28-30нчы май көннәрендә лицейның кызлар командасы Казан шәһәрендә  Мәктәп волейбол лигасының (ШВЛ) финал ярышларында катнаштылар

Туган телләр һәм халыклар бердәмлеге елы кысаларында, башкалабызның тарихи истәлекле урыннары белән танышу максатыннан,  8,10нчы сыйныф укучылары Казан шәһәрендә экскурсиядә булдылар

Укучыларыбыз Балаларны яклау көне уңаеннан "Кояшлы Ык" ял паркында уздырылган "Җәяүлегә яшел ут" асфальтка рәсем ясау муниципаль бәйгесендә катнаштылар

«Яшел Мөслим» муниципаль проекты кысаларында, укучыларыбыз «Кояшлы Ык» ял паркындагы яшь агачларга су сиптеләр

29 майда 2-8, 10нчы сыйныф укучылары өчен йомгаклау линейкасы булды. Уку отличникларына, фән олимпиадаларының муниципаль этабында җиңү һәм призлы урыннар яулаган, төрле иҗади бәйгеләрдә уңышларга ирешкән укучыларга Мактау грамоталары тапшырылды

24 майдан 28 майга кадәр Мөслим гимназиясе базасында 10 сыйныф укучылары хәрби әзерлек буенча биш көнлек хәрби җыеннарда катнаштылар. Физик һәм хәрби әзерлек буенча гомуми зачетта Әһлиев Илдан һәм Кондратьев Динар районда 1 һәм 2 урыннарны яуладылар. Котлыйбыз!

28 майда "Мөслим йолдызлары" фестивалендә чирек, еллык нәтиҗәләр буенча "5" билгеләренә генә ия булган 34 уку алдынгысы "Отличниклар парады"нда катнашты. Алар Мөслим эмблемасы төшерелгән футболка һәм бейсболкалар белән бүләкләнделәр. Укучыларыбызны уңышларыбызны котлыйбыз!

Туган телләр һәм халыклар бердәмлеге елы кысаларында, 25 майда Үзәк китапханәдә 3б (кл. җитәкчесе Ханова Р.Ф) һәм 4б сыйныф укучылары (кл. җитәкчесе Иванова С. А.) өчен император Петр I юбилеен бәйрәм итүгә багышланган «Петр I һәм ул идарә иткән дәвер» темасына тарихи класс сәгате узды. Укучылар ПетрI нең Россия флотына һәм Санкт – Петербургка нигез салучы булуын, ул идарә иткәндәге үзгәрешләр турында белделәр. Китапханәче Вафина Г.З. Петр I  чыгышын документаль һәм фәнни-популяр фильмнардан кадрлар кергән видео-презентация баетты.

Башлангыч сыйныфтан соң балачак иленең тагын бер мөһим этабы булып, 9 сыйныф тора. Быел Хәбибуллина Л.Я. һәм Вагыйзова Г.Р. җитәкләгән 9А һәм 9Б сыйныфларын 48 укучы тәмамлады. Кайберәүләр белемнәрен училище, техникум, колледжларда дәвам итәчәкләр, ә кемнәрдер 10 сыйныфта укуларын дәвам итәрләр...Барлык 9 сыйныф укучыларына имтиханнарда уңышлар телибез!

20 майдан 22 майга кадәр Актанышта мәктәп укучыларының "Президент ярышлары-2021" Бөтенроссия спорт бәйгесенең региональ этабы финалы узды. Физкультура укытучысы Нурисламов А. М. җитәкчелегендә 7а сыйныф укучылары командасы бу ярышларда уңышлы чыгыш ясады һәм шәхси беренчелекләрдә призлы урыннар яулады