2 нче кечкенәләр төркемендә "Әнием алтыным" дигән музыкаль иртә булып узды. Балалар әниләренә бүләк итеп җыр-биюләр,шигырьләр башкардылар. Бәйрәм азагында балалар үзләре куллары белән ясаган бүләкләрне тапшырдылар. Бәйрәмне Фиразия Миннеразиева алып барды.

Бакчаның  мәктәпкә әзерлек төркемендә " Әниемнең кочагы"исемле астында бәйрәм иртәсе булды. Бәйрәмне Алсу Гайфиева белән Фаниса Сафиуллина алып барды.Бәйрәм төрле уеннар,җыр-биюләр белән үрелеп барды.

Бакчаның зурлар төркемендә  "Әти-әни үрнәге-гаиләнең бизәге" дигән исемле  бәйрәм кичәсе булып  узды. Әти-әниләр төрле ярышларда катнаштылар,балалар җыр-биюләр башкардылар. Бәйрәмне Сирина Заялова белән Адиатуллина Гөлүзә алып бардылар. Музыка өлешен Ландыш Заянова әзерләде.

"Миләшкәй" балалар бакчасының Уртачылар төркемендә "Кош канаты белән-гаилә татулыгы белән көчле" дигән музыкаль әдәби кичә булып узды. Балалар төрле матур җыр-биюләр бүләк иттеләр,төрле кызыклы уеннарда әти-әниләр үзләренең җитезлекләрен күрсәттеләр."Безнең гаилә"исемле балалар иҗатыннан күргәзмә оештырылды. Бәйрәмне тәрбиячеләр  Асия Дусадбекова белән Рамзия Чернова алып бардылар. Музыка өлешен Ландыш Заянова әзерләде.Бәйрәм азагында балалар үз куллары белән ясаган "Пар ак кошлар" бүләк иттеләр.

Бүген " Миләшкәй" балалар бакчасының мәктәпкә әзерлек төркемендә  " Әтием горурлыгым" исем астын музыкаль Спорт бәйрәме булып узды. Балалар әтиләр турында җыр-биюләр башкардылар, матур эчтәлекле шигырьләр сөйләделәр.

Зурлар төркемендә балаларның сәламәтлекләрен ныгыту,үстерү уңаеннан  "Күңелле старт" исемле спорт ярышы узды. Анда балалар төрле ярышларда көч саныштылар. күңел ачу кичәсен  Заялова Сирина белән Заянова Ландыш оештырды.

Яр Чаллы шәһәреннән "Капитошка"театры  "Маша и медведь"әкиятен сәхнәләштерделәр.

Бүген 6 нчы февраль көнне Мөслим мәдәният  йортында   талантлы балаларны үстерү уңаеннан "Йолдызлык-2014"фестивале булды. Анда "Миләшкәй" балалар бакчасыннан мәктәпкә әзерлек төркеменә йөрүче балалар "Зимняя забава"биюен башкарып 2 нче дәрәҗә лауреат исемен алдылар (җитәкчеләре Ландыш Заянова).Зурлар төркеменә йөрүче Яхин Алмаз белән Амирова Динә конферанс номинациясендә шулай ук 2 нче дәрәҗә лауреат булдылар һәм бүләкләр белән бүләкләнделәр (җитәкчеләре Заялова Сирина).

"Миләшкәй" балалар бакчасының барлык төркемнәрендә дә Яна ел бәйрәмнәре гөрләп үтте. Балалар сәнгатьле итеп шигырьләр сөйләделәр,җыр биюләр башкардылар.

Бәйрәм матур сюрпиз моментлар белән үрелеп барды. Бәйрәмне барлык төркемдә эшләүче тәрбиячеләр белән музыка җитәкчеләре әзерләде.

Миләшкәй балалар бакчасында "Сөйләмдәге кимчелекле балалар  белән эшләү алымнарын һәм методларын камилләштерү" исеме астында район тәрбиячеләренең чираттагы семинары узды.