Бөек  язучыбыз Галимҗан Ибраһимовка 135 яшь тулды. Балалар авыл китапханәсенә бардылар.Китапханәче Хамадишина Р. балаларны язучының иҗаты,язылган әсәрләре  белән таныштырды.

Мәктәптә "Мин һәм профессия дөньясында"темасы буенча  класс сәгате үтте.Укучылар күп төрле профессияләр белән таныштылар.Дәрестә уен формасы да кулланылды.

Язның беренче бәйрәме илләргә тынычлык , аяз күк йөзе алып килсен!

Укучылар арасында кышкы туризмны пропагандалау максатыннан Яңа Усы авылында кышкы туризм ярышлары оештырылды. Ярышта 17 каманда көч сынашты. Командадагы ике кыз һәм ике егет 10 төрле каршылыктан торган этапларны үтеп, үзләрен җитезлектә, чыдамлыкта сынадылар. Укучылар барлык сынауларны уңышлы үттеләр һәм финишка югалтуларсыз килеп җиттеләр. Барлык балларны исәпләгәннән сон, җиңүчеләр билгеле булды. 3 урынга Чакмак төп белем бирү мәктәбе командасы чыкты, 2 урынны Мари Бүләр мәктәбе укучылары яулады, 1 урынга исә Усы мәктәбе командасы лаек булды. Призлы урынга лаек булучыларга Мәгариф идарәсе һәм Мәктәптән тыш эшләр үзәгенең мактау грамоталары һәм сертификатлар тапшырылды.

"Мөслим кызы Мөслим егете"  проекты кысаларында мәктәптә эш дәвам итә.8 сыйныф кызлары өлеш пешерү серенә төшенделәр һәм   пешерделәр.

3 Март- Бөтендөнья кыргый табигатьне саклау  көне. Шул уңайдан,мәктәптә укучылар белән әңгәмә үткәрелде, аерым саклана торган территорияләрнең төрләре һәм үзебезнең район табигать һәйкәлләре белән таныштырылды.

28  февраль Халыкара ак аюлар көне. Шул уңайдан биология укытучысы Арсланова Ф.Х. укучыларга  ак аюларның яшәү тирәлеге,үрчүләре  , аларны саклау  турында мәгълүмат бирде.

Укучыларыбыз районда узган чаңгы ярышында катнаштылар һәм уңышлы чыгыш ясадылар.\ Наши ученики (Гильмутдинова Гузель,Мухаметгалиева  Инзиля) участвовали на лыжных соревнованиях.