24 октябрьдә мәктәптә класс җитәкчеләренең куст семинар- практикумы үтте. Темасы: “Балаларның сәламәтлеге һәм куркынычсызлыгы мәктәпнең приоритеты”. Семинарда 2-4 класслар белән “Мин сәламәт тукланам” дип исемләнгән класс сәгате (класс җитәкчесе Шакирьянова Н,З.) , “Шахмат уйнарга өйрәнәбез” темасы астында мастер- класс (класс җитәкчесе Фасхиева С.М., информатика укытучысы Нәгыймов М.Ә.), “Корбан бәйрәме мөбәрәк булсын!” исеме белән класстан тыш чара (класс җитәкчеләре Аюпова И.Ш, Шафигуллина Н.М.) күрсәтелде. Оештырылган чаралар барысы да уңай бәяләнде.Һәр килгән укытучысы үзенә кулланырдай тәҗрибә алып китте. Аннары тәрбия эшләре буенча директор урынбасары Гарипова Г.Р. “Мәктәптә сәламәт яшәү рәвешен формалаштыру” темасын яктыртты. ИМҮ методисты Бадретдинова М.Р. “Тәрбияләүдә сәламәтлек саклау технологияләре” темасына чыгыш ясады. Семинар түгәрәк өстәл янында сөйләшү белән тәмамланды. Фото һәм рәсем күргәзмәләре, табигый материаллардан оригиналь композицияләр оештырылды.