Бүген мәктәптә 5 класстан алып 11 класска кадәр  укучылар  арасында "Зарница" хәрби-патриотик уены уздырылды. Һәр команда спорт һәм медицина әзерлеге буенча практик күнегүләр күрсәтте. Укучылар "Зарница"ның уен гына түгел икәненә төшенделәр. Нәтиҗәдә "Яшелләр" командасы җиңү яулады.

23 февраль-Ватанны  саклаучылар көне уңаеннан, ата-аналар җыелышы үткәрелде. Мәктәп директоры Мубараков Илдар М. ир-егетләрне бәйрәм белән котлады. Укытучы Хәкимова Г.Ш. "Конфликтлар, агрессия. Аларны булдырмау юллары" темасына чыгыш ясады. Укыту-тәрбия эшләре буенча директор урынбасары Хамматуллина Р.М. имтиханнар турында сөйләде. Ахырдан укучы егетләр катнашында ярыш үткәрелде. Егетләр үзләренең спорт, медицина, хәрби әзерлек буенча белемнәрен һәм җитезлекләрен күрсәттеләр.Укучылар концерт номерлары белән чыгыш ясадылар.

ГАОУ ДПО “Татарстан Республикасы Мәгарифне үстерү институты” “Җәлилнефть” нефть һәм газ чыгару идарәсе Сарман муниципаль районы башкарма комитетының мәгариф бүлеге оештырган Муса Җәлилнең тууына 110 ел тулуга багышланган республикакүләм фәнни-гамәли  конференциясендә чыгыш ясаган өчен Мөслим муниципаль районы МБББУ “Әмәкәй урта гомуми белем бирү мәктәбе”нең 5 нче сыйныф укучысы Шамс А. III дәрәҗә Диплом белән бүләкләнде. 

11 нче сыйныф укучысы Насретдинова А.татар әдәбиятыннан укучыларның республика туры олимпиадасында призер булды. Укытучысы- Шамсова Р.Д. Котлыйбыз һәм уңышлар телибез.

Татар әдәбиятыннан республика олимпиадасында 10 сыйныф укучысы Җәлилова Алсу  призер булды. Укытучысы- Хәкимова Г.Ш. Котлыйбыз һәм зур уңышлар телибез. 

Бүген мәктәбебездә тарих һәм җәмгыять белеме укытучылары семинары булып узды. Бәдретдинова Гөлназ Мәгфуряновна 5 класста тарих фәненнән "Дионис театры" темасына, Әхмәтов Рамил Әбүзәрович  11 класста  җәмгыять белеменнән "Демократия" темасына ачык дәресләр күрсәттеләр. Район укытучылары һәм аларның җитәкчеләре дәресләрне уңай бәяләделәр, алдагы эшләрендә уңышлар теләделәр.

Мәктәбебез үзенең батыр авылдашларын онытмый. Аларның каберләрен чәчәкләр бизи.Быел да 15 февраль көнне әфганчылар, аларның якыннары, мәктәп укучылары һәм укытучылары һәлак булган әфганчы авылдашларыбыз каберләренә венок салырга барды. 

8 нче класс укучысы Бәдретдинова А. математика фәненнән  7-11 класс укучылары өчен КГЭУ үткәргән  "Надежды энергетики" олимпиадасының сайлап алу турында катнашты һәм 3 нче дәрәҗә призер булып танылды. Укытучысы - Мурзина С.Н. Уңышларыгыз белән котлыйбыз.

Яңа Усы авылында үткән район мәгариф идарәсе һәм мәктәптән тыш эшләр үзәге оештырган кышкы туризм бәйгесендә укучыларыбыз командасы катнашты һәм "Контроль туристик маршрут" дип исемләнгән бәйгедә җиңү яуладылар. Тренерлары- Әхмәтов Р.Ә. Уңышлары белән котлыйбыз!

Бүген мәктәптә шахмат-шашка ярышы булды. Нәтиҗәләр түбәндәгечә: кызлар арасында шашка ярышында Сөләйманова Ләйсән-1, Холбутаева Диләрә-2, Яруллина Роза-3 урынны яулады. Малайлар арасында Насибуллин Азат-1, Суфиев Рәзил-2, Хәкимов Денис-3 урында. Шахмат ярышы нәтиҗәләре түбәндәгечә: кызлар арасында Холбутаева Наилә-1, Буринскас Юстина-2, Лысова Настя-3 урында, малайлар арасында Шамс Айрат-1, Миркәев Шамил-2, Якупов Илдар-3 урынны бүлештеләр. Котлыйбыз!