2 апрель көнне 9,11 сыйныф укучылары рус теленнән сынап карау тесты уздылар.

25-28 март көннәрендә КФУда укучыларның Н.Лобачевский исемендәге I  Бөтенроссия ( VII Идел буе ) фәнни  конференциясе булып узды. Илебезнең төрле почмакларыннан килгән балалар 35 секциядә чыгыш ясады.  Җәлилова Алсу катнашты һәм  " Татар әдәбияты. XX - XXI гасыр "  секциясендә чыгыш ясап,  һәм 3 урын яулады. Җитәкчесе татар теле һәм әдәбияты укытучысы Хәкимова Г.Ш.  Котлыйбыз!

Ученица 9 класса Муллакаева Г. приняла участие на 1-ом Всероссийском (7-ом открытом  Республиканском) творческом конкурсе "Пушкинские чтения", получила Диплом 3 степени. Учитель Гайсина Р.З.  

Укучылар спартакиадасында баскетбол буенча малайлар командасы 2 урын яулады. Аларны чын күңелдән котлыйбыз һәм уңышлар телибез!

Татар теле һәм әдәбияты укытучысы Хәкимова Г.Ш.  фәнни эш белән чыгыш ясап, 2 урын яулады. 5 сыйныф укучысы Шамс Айратка  актив катнашканы өчен сертификат тапшырылды. Укытучысы Шамсова Р.Д. Афәрин! Уңышлар телибез.

Казан шәһәренең " Ф.Аитова исемендәге татар телендә белем бирүче 12 нче гимназия" сендә Туфан Миннуллин исемендәге укытучылар һәм укучыларның III республика конференциясе булып узды. Әлеге конференциядә Җәлилова Алсу катнашып,"Үзем сайлаган язмыш" номинациясендә чыгыш ясады һәм  лауреат булды. Алсуның җитәкчесе татар теле һәм әдәбияты укытучысы Хәкимова Г.Ш.

Язгы каникул көннәрендә  укучыларыбыз игелекле эшләр башкарды. Шәфкатьлелек айлыгы кысаларында 5,6 сыйныф укучылары класс җитәкчесе Хөсәенова Г.Ә., педагог оештыручы Хәкимова Г.Ш., тәрбия эшләре буенча директор урынбасары Фаррахова Р.Г. җитәкчелегендә Мөслимдәге картлар һәм инвалидлар йортына бардылар. Анда тәрбияләнүчеләргә концерт куеп, укучылардан җыелган бүләк- хәерләрне тапшырып кайттылар. Бик зур рәхмәт аларга. 

Казанда яшүсмерләрнең  Каюм Насыйри исемендәге XIV  төбәкара  фәнни-эзләнү укулары булып узды. Бу чарада 200 дән артык укучы катнашты, 15 секция эшләде. "Туган як тарихын өйрәнү" секциясендә 90 эшнең нибары 13е генә сайлап алынган иде. Әмәкәй урта гомуми белем бирү мәктәбеннән Җәлилова Алсу чыгыш ясады һәм грамота белән бүләкләнде.Укытучысы Хәкимова Г.Ш.

"Мизгел" яшьләр үзәгендә "Кадрлар резервы" республика проекты кысаларында Габдулла Тукайның 130 еллыгына багышланган "Мин Тукайны яратам" иҗат бәйге-фестивале үткәрелде. Фестивальдә интернет челтәренә #МинТукайныЯратам# хештегы аша куелган чыгышлардан  шигырь, җыр, рәсем номинацияләре буенча сайлап алынган укучылар катнашты. Бу чарада безнең мәктәп укучылары да бик актив булдылар. Егетләр триосы( Әхмәтгалиев Р., Шакирянов Р., Шамс А.), Бәдретдинова А., Холбутаева Н., Шамс А., Хәкимов Д. уңышлы чыгыш ясадылар.  5 класс укучысы Шамс А.И. актив катнашканы өчен рәхмәт хаты һәм статуэтка белән бүләкләнде. Бәдретдинова Алисә җыр номинациясендә 2 нче урын яулады. Афәрин!

Жалилова Алсу заняла 2 место на региональной олимпиаде по географии на базе историко-географического факультета Набережночелнинского государственного педагогического университета (учитель Мубараков Ильдар Магфурянович). Поздравляем и желаем успехов.