Лениногорск шәһәрендә гомуми белем бирү мәктәпләре һәм урта һөнәри белем бирү учрежденияләре укучылары өчен  М.Н.Моряков исемендәге  XIII республикакүләм фәнни –практик конференциясе үткәрелде. Бу конференциядә мәктәбебез укучылары Шакирянов Р., Холбутаева Н., Латипова Л., Шайхразиева А., Бадретдинова А. актив катнаштылар. 6 нчы сыйныф укучысы Шакирянов Рүзәл 3 нче дәрәҗә (җитәкчесе математика укытучысы Мурзина С.Н.), 9 нчы сыйныф укучысы Бадретдинова Алисә 2 нче дәрәҗә (җитәкчесе тарих укытучысы Бадретдинова Г.М) диплом белән бүләкләнделәр. Конференция кысаларында төрле экскурсияләр, күргәзмәләр, югары сыйныф укучылары өчен “Букинистик аукцион”, ә кече яшьтәге укучылар өчен “Йолдызлы сәгать” уены оештырылды. Шакирянов Рүзәл бу уенда да үзенең тирән белемгә ия укучы икәнен исбатлап җиңү яулады һәм махсус бүләккә ия булды. Җиңүләрегез белән котлыйбыз! Булдырдыгыз!

7 учеников нашей школы приняли участие в школьном этапе Всероссийского конкурса коллажей "Смэшбук", организованном объединенной издательской группой "Дрофа"-"Вентана-Граф" совместно с издательством "Эксмо". Организатором школьного этапа стала учитель начальных классов Хамматуллина Рузиля Мирзарифовна. По результатам первого этапа определились три победителя: Холбутаева Наиля, Тагирова Милена и Мухамадиева Азалия. Победители получили  творческие блокноты "Смэшбук" для коллажей, рисования и рефлексии. Работы девочек отправлены на всероссийский конкурс. С нетерпением будем ждать итоги конкурса. Надеемся на победу!!!!!

Казан шәһәренең Менжинский исемендәге мәдәният йортында  республикакүләм конкурс һәм фестиваль җиңүчеләрен бүләкләү тантанасы булды. "Җиңү-2017" төбәкара проектлар бәйгесендә мәктәбебезнең туган як тарихын өйрәнү музее лауреат булды һәм мәгариф һәм фән министрлыгы дипломы белән бүләкләнде. Җитәкчесе Хәкимова Г.Ш.

Бүген мәктәптә гомуми ата-аналар җыелышы узды.

Мәктәп укучылары даими рәвештә авылыбыз өлкәннәренә, ветераннарга шефлыккак йөри, хәлләреннән килгәнчә ярдәм күрсәтергә тырыша. Бүген укучылар Флүрә апаның хәлен белеп, ишегалдын чистартып кайттылар.

Бүген мәктәбебездә космонавтика көненә багышланган чара булып узды. Бәйрәмнең беренче өлеше әлеге көннең тарихы турындагы чыгыш белән башланып китсә, икенче өлеше исә викторина сораулары, кызыклы биремнәр белән үрелеп барды. Шулай ук, командаларга өй эше итеп ракета макетын ясарга һәм якларга кушылган иде. Барлык укучылар да эшкә иҗади һәм җаваплы караган. Ә беренчелекне, иң күп балл туплап, 6 нчы класс, "Гагарин оныклары" командасы яулады.

Чисталык айлыгы кысаларында мәктәп территориясен  кардан чистарту эше башланды.

Мөслим  лицеенда IV республикакүләм "Фоат Садриев укулары" булды. "Мәгариф"журналы белән берлектә үткәрелгән бу чарада мәктәбебез укучылары да катнашты. 80 нән артык укучы һәм укытучының эшләрен күренекле язучы, шагыйрьләр һәм галимнәр бәяләде. 5 нче сыйныф укучысы Хәкимов Денис 2 дәрәҗә диплом (җитәкчесе татар теле һәм әдәбияты укытучысы Хәкимова Г.Ш.), 6 нчы сыйныф укучысы Шамс Айрат 3 дәрәҗә диплом (җитәкчесе татар теле һәм әдәбияты укытучысы Шамсова Р.Д.) белән бүләкләнделәр. Уңышларыгыз белән котлыйбыз!