4 нче сыйныф укучысы Нуриева Л. "Ел укучысы" конкурсының зона этабында катнашып, уңышлы чыгыш ясады. Укытучысы Шаймарданова Р.Г.

Мәктәп спорт лигасы ярышлары дәвам итә. Бу юлы Тат. Бүләр урта мәктәбендә баскетбол буенча ярыш булды. Безнең егетләр командасы бу ярышта да беренчелекне бирмәде. Ә кызлар командасы 3 урын алды. Афәрин!!! Уңышларыгыз дәвамлы булсын!

Бөтенроссия олимпиадаларының муниципаль этабында катнашып, укучыларыбыз җиңү артыннан җиңү яулыйлар. Шамс А. география фәненнән призер булды. Укытучысы Мубараков И.М. Тормыш иминлеге нигезләре фәненнән олимпиада нәтиҗәләре билгеле булды: Әхмәтгалиев Р. җиңү яулады, Шамс А., Шакирянов Р., Хәкимов Д., Мухамадиева А., Сабиров Р., Холбутаева Д. призер булдылар. Укучыларны укытучы Әхмәтов Р.Ә. әзерләде. Җиңүче укучыларыбызны һәм укытучыларын уңышлары белән котлыйбыз, укуларында зур уңышлар, яңадан яңа үрләр яулауларын телибез!

4 декабрь көнне район мәктәпләре  арасында ата-аналар комитетларының "Тату сыйныф серләре" конкурсы үтте. Безнең мәктәпнең 7-9 класс укучылары һәм ата-аналары катнашты. Командабыз уңышлы чыгыш ясап, "Иң креатив коллектив" номинациясендә җиңү яулады һәм бассейнга һәм тренажерга бару өчен сертификат белән бүләкләнде. Булдырдыгыз, афәрин!

1 декабрь-Бөтендөнья СПИДка каршы көрәш көне уңаеннан һәм сәламәт яшәү рәвешен пропагандалау максатыннан, биология укытучысы Мубаракова Д.Ф. 7-9 сыйныф укучылары өчен "Без СПИДка каршы!" дип аталган тәрбия сәгате үткәрде. Бу чарада укучыларга видеофильм күрсәтелде, бу афәттән саклану чаралары аңлатылды. Катнашучылар барысы да СПИДка каршы көрәш символы булган  кызыл тасма такты.

Район үзәк китапханәсендә халык шагыйре Шәүкәт Галиевнең тууына 90 ел тулуга карата китап укучылар конференциясе үткәрелде. Конференциядә Әмәкәй төп мәктәбе укучылары һәм "Кояшкай" балалар бакчасында тәрбияләнүче балалар катнашты. Алар Ш.Галиевнең тормышы һәм иҗаты, туган тел, әдәбият турындагы фикерләре белән таныштырды.  Укучылар шагыйрьнең шигырьләрен сөйләделәр, аның сүзләренә язылган җырлар яңгырады. Конференцияне татар теле һәм әдәбияты укытучылары Шамсова Р.Д., Хәкимова Г.Ш. әзерләде.

30.11. көнне мәктәп спорт лигасы кысаларында 5-9 класслар арасында баскетбол буенча зона ярышлары үтте. Бу юлы да егетләребез сынатмадылар, 1 урын яуладылар. Афәрин, егетләр! Без сезнең белән горурланабыз! Алдагы ярышларда  да уңышлар телибез!

Башлангыч класслар атналыгы кысаларында “Могҗизалар кыры” уены үткәрелде. Уен 1-4 класс укучылары арасында узды. Катнашучылар конкурс нигезендә сайлап алынды. Хайваннар дөньясы белән бәйле табышмакларга дөрес җавап бирүчеләр арасыннан 9 укучы,  өчәргә бүленеп, барабан артына басты. Үз өчлекләрендә җиңү яулаган Хәйдәрова Алия, Мөбәрәкова Лилияна, Закиров Султан финалда көч сынашты.Алия җиңүче булды.Барлык уенчылар да  бүләкләр алды. Уенны башлангыч класслар укытучысы Хамматуллина Р.М. әзерләде.