Районкүләм баскетбол буенча укучылар спартакиадасында мәктәпнең егетләр һәм кызлар командасы уңышлы чыгыш ясады. Егетләр командасы гимназия командасына гына оттырып, 2 урын яулады. Кызлар командасы 5 урында. Тренерлары Минныразиев И.М. һәм Ахметов Р.А. Уңышларыгыз белән котлыйбыз.       

Район мәктәпләре арасында оештырылган көзге ярминкәдә безнең мәктәп тә актив катнашты. Сатып алучыларны мәктәп бакчасында үстерелгән бәрәңге, кишер, чөгендер, кәбестә, авыл  каймагы, бал , кайнатмалар белән сөендерде.

Өлкәннәр ункөнлеге кысаларында укучыларыбыз лаеклы ялдагы укытучыларның өйләрендә булып, бәйрәм белән котладылар.

Районыбызда әдәбият көннәре бара. Бер төркем язучылар һәм шагыйрьләр белән очрашу район китапханәсендә һәм З.Басыйрова исемендәге мәдәният сараенда булды. Ә 17 сентябрь көнне Ләбиб Лерон белән Гәрәй Рәхим безнең мәктәпкә килде. Укучылар аларның шигырьләрен укыды, шагыйрьләребез үзләре дә укучыларга матур теләкләрен җиткерделәр. Кичәне татар теле һәм әдәбияты укытучысы Шамсова Р.Д. алып барды. 

Яңа уку елын башладык. Бакчабызга авыл китапханәчесе  Нәзирә Насретдинова кунакка килде. Ул балаларга яңа китаплар күрсәтте, А.Алишның әкиятләрен укыды./Начался новый учебный год. К нам в гости пришла библиотекарь Назира Насретдинова. Она показала детям новые книжки. Прочитала сказки Алиша. 

15 сентябрь- ТВБ нең туган көне. Шул уңайдан, укучылар табигатькә экскурсиягә чыкты. 5 нче сыйныф укучылары варислар берлегенә кабул ителде. Спорт уеннарында, төрле ярышларда катнашып, күңелле ял иттеләр.

Яшь буынга рухи һәм әхлакый тәрбия бирү кысаларында  мәктәп укучылары арасында җиңел атлетика буенча ярышлар үткәрелде. Бу ярышта укучыларыбыз катнашып, яхшы нәтиҗәләргә ирештеләр. Ераклыкка сикерү буенча Яруллина Р. 1нче , Хәкимов Денис 2 нче, 400 м арага йөгерү буенча Хәкимов Денис 2 нче, 800 м арага йөгерү буенча Яруллина Роза 2 нче урын яуладылар. Укучыларны ярышка физкультура укытучылары Минныразиев И.М., Әхмәтов Р.Ә. әзерләде.