5-7 һәм 8-9 нчы сыйныфлар арасында үткәрелгән математик “Крестики-нулики” уенында  5-7 сыйныф укучылары җиңүгә иреште. 

“Математик турнир  ” интеллектуаль уенында иң күп баллны капитаны Шакирянов Рүзәл булган  “Өчпочмаклар”  төркеме җыйды.

"Табышмаклар илендә" кичәсе булды. Мәсьәләләр төзү һәм чишү, саннар кулланылган табышмаклар әзерләүдә 5-6 нчы сыйныф укучылары актив катнашты..

Математика атналыгы башланып китте. Атналыкның бер көнендә 9 нчы сыйныфта математикадан  БДИ формасында  имтихан алынды. Күренекле татар математикларына багышланган класс сәгате үткәрелде.

Мәктәп командасы (Яруллина Р., Холбутаева Д., Хәкимов Д.,Әхмәтгалиев Р.) районкүләм чаңгы туризмы ярышында катнашып, 1 урын яулады. Укучыларыбыз бу юлы да сынатмады. Җитәкчеләре Әхмәтов Р.Ә. Җиңүчеләрне котлыйбыз,  укуда һәм  спортта уңышлар телибез!

Зифа Басыйрова исемендәге район мәдәният йортында "Йолдызлык-2019" фестиваленең гала-концерты булды.  Безнең укучылар бик уңышлы чыгыш ясадылар. "Импульс" бию төркеме 1 урынга, "Әмәкәй егетләре" вокаль ансамбле һәм Холбутаева Наилә вокал-соло номинациясендә 2 урынга лаек булды. Җитәкчеләре Бәдретдинова Г.М. Афәрин! Булдырдыгыз! Уңышлар телибез!

Мари Бүләр төп мәктәбендә, якташ язучыларыбызның иҗатын популярлаштыру максатыннан,  районкүләм "Сандугачтай моңлы Тукай теле" сәнгатьле сөйләүчеләр конкурсы булды. Бу конкурста укучыларыбыз уңышлы чыгыш ясадылар. Зарипова Мәдинә "Иң оста сөйләүче" номинациясендә җиңүче (укытучысы Мөхәмәдиева А.Ф.), Закиров Илнар 3 урынга (укытучысы Хәкимова Г.Ш.), Шамс Айрат 1 урынга (укытучысы Шамсова Р.Д.) лаек булды. Котлыйбыз!

Җәлил ункөнлеге дәвам итә. Муса Җәлилнең китапларыннан күргәзмә оештырылды. Укучылар аның шигырьләренә иллюстрацияләр ясады. Муса Җәлилнең тормышы һәм иҗатына багышланган видеофильм күрсәтелде. Ахырдан укучылар викторина сорауларына җавап бирделәр.