Шәһәребез музейларына экскурсияләргә йөрү дәвам итә. Бүген 11 нче сыйныф укучылары М.Горький музеена экскурсиягә бардылар.

Көзге  каникуллар тәмамланып, икенче  чиреккә  дә аяк  бастык. Бу  чирек - иң  кыскасы, ләкин  җаваплысы. Шулай  ук  шушы  атнадан  барлык  фәннәрдән олимпиадалар да  башланып  китә. Укучыларыбызга  укуларында, укытучыларыбызга - эшләрендә уңышлар  телибез!

6 ноябрь – яңа тарихта чын мәгънәсендә дәүләтчелекне торгызуда әһәмиятле вакыйгага әверелгән иң истәлекле көннәрнең берсе булды. Республика парламенты, татарстанлыларның – төрле милләт, сәяси караш һәм төрле дин вәкилләренең ихтыярына таянып, Татарстан Республикасының яңа Конституциясен кабул итте, күпмилләтле халкыбыз сайлап алган принципиаль сәяси юлны билгеләде. Төп Закон республикабызның сәяси, икътисадый һәм хокукый системалары нигезләрен ныгытты, социаль дәүләт кору, хокукның югары дәрәҗәсенә, суд хакимиятенең бәйсезлегенә ирешү һәм камил җирле үзидарә төзү юнәлешендә озак вакытка үсеш өстенлекләрен билгеләде, гражданнарның демократик ирекләрен һәм хокукларын югары хәзинә дип игълан итте. 

Бу истәлекле көндә сезгә чын күңелдән иминлек, нык сәламәтлек, туган илебез хакына барлык эшләребездә дә зур уңышлар телибез. 

2016 нчы елның 4 нче ноябре бөтен Россия буенча Халыклар бердәмлеге көне буларак бәйрәм ителә. Халыклар бердәмлеге көне уздыру гадәте XVII йөз башында ук барлыкка килгән. Болганчык еллар тарих битләренә бик куркыныч көннәр булып кереп калган. Шул ук вакытта илебез бөтенлеген юкка чыгарырга тырышучы чит ил хәрбиләре дә барлыкка килә. Тик Рәсәй халкы батырларча көрәшкә ташлана. Россия бөтенлеге барлык халыкларның бердәмлеге нәтиҗәсендә генә сакланып кала.

Менә шулай итеп, Россия күләмендә халыклар бердәмлеге көне барлыкка килә, ә бераздан ул зур бәйрәмгә әйләнә.

Гимназия коллективы 2015-2016 нчы уку елындагы милли мәгариф өлкәсендәге югары казанышлары өчен Казан шәһәре Мәгариф идарәсенең рәхмәт хаты белән бүләкләнде.

31 нче октябрьдән 6 нчы ноябрьгә кадәр көзге каникуллар игълан ителде. Барыгызны да яңа көч туплап, ял итеп 7 нче ноябрь көнне кабат гимназиядә көтеп калабыз.

28 нче октябрь көнне район күләмендә уздырылган "Татар кызы - 2016" конкурсында 11 нче сыйныф укучысы Р.Галәветдинова уңышлы чыгыш ясап 2 нче урынга лаек булды. Котлыйбыз!

Гимназиядә "Макулатура акциясе" узды. 1-11 нче сыйныфтагы һәр бала да бу чарага актив өлешләрен керттеләр. Балаларга, сыйныф җитәкчеләренә, әти-әниләргә рәхмәт белдерәбез.

Бүген 10-11 нче сыйныфларда Профсоюзлар көненә багышланган бердәм дәресләр узды.

Гимназиянең күргәзмәләр залында ТР ның рәссамнәр берлеге әгъзасы Рөстәм Хуҗинның "Идел-Урал арасы" шәхси картиналары күргәзмәсе эшли. Монда укытучылар сыйныф сәгатьләре, әдәбият, тарих дәресләре уздыра.