Милли көрәш буенча уздырылган Россия беренчелегендә 11Б сыйныфы укучысы Ш.Чевик 60 кг. категорияле үлчәүдә 1 урынны яулады. Шамилне зур җиңүе белән котлыйбыз, алга таба да уңышлар телибез!

Бүгеннән, ягъни 21 нче марттан, язгы профиль лагере үз эшен башлап җибәрде. Лагерь 9, 11 нче сыйныф укучыларын дәүләт имтиханнарына әзерләү максатыннан оештырылды һәм ул 28 нче мартка кадәр эшләячәк.  

Кичә 1-5 сыйныф укучыларының әти-әниләре өчен гомуми җыелыш узды. Әти-әниләрне уку, тәрбия мәсьәләләре һәм туберкулезга каршы профилактика турында санитар эпидемиология кагыйдәләр белән таныштырылды. Җыелыш ахырында 4В һәм 7Б сыйныфы укучыларының Театр фестивалендәге чыгышлары күрсәтелде.

Казан шәһәре 17 нче татар гимназиясендә республикакүләм Г.Ибраһимов исемендәге фәнни-гамәли конференция узды. Гимназиянең 10 нчы сыйныф укучысы К.Йосыпов "Рус филологиясе" секциясендә 1 нче урынны яулады. Котлыйбыз!

18 нче март - юлда йөрү кагыйдәләрен искә төшерү көне. Әлеге темага ЮХИДИ хезмәткәрләре катнашында сыйныф сәгатьләре, инструктажлар уза.

Гимназиянең Бердәм тәрбия планы нигезендә шәһәребез музейларына, истәлекле урыннарга экскурсияләргә бару дәвам итә. Бу атнада 2-4 нче сыйныфлар музейларга бардылар.

Бүген гимназиядә Театр фестиваленең финалы узды. Чыгыш ясаучы сыйныфларны мәртәбәле жюри (Татарстанның атказанган артистлары Фәнис Җиһанша, З.Вәлиева, Татарстанның атказанган сәнгать эшлеклесе Н.Җамали, Яшь тамашачылар театры директоры М.Ярмиев, Казан дәүләт мәдәният институты доценты, Татарстанның атказанган сәнагать эшлеклесе Р.Шәрипов, "Гаилә һәм мәктәп" журналының баш мөхәррире Г.Закирова, "Мәгариф" журналының бүлек мөхәррире М.Садыйков, "Ялкын" журналының бүлек мөдире А.Әхмәтгалиева) бәяләде. Нәтиҗәләр түбәндәгечә бүленде: Гран-при - 8Б сыйныфы, 1 нче урын - 2В, 2 нче урын - 8А, 3 нче урын - 4А. "Халык мәхәббәтен яулаучы" номинациясендә 7Б, "Иң яхшы ансамбль" номинациясендә 10 нчы сыйныф, "Иң музыкаль әсәр" номинациясендә 6Б сыйныфы, "Өметле башлангыч" номинациясендә 3Б сыйныфлары җиңүче дип табылды.

Бүген гимназиядә 5-10 нчы сыйныфлар арасында Театр фестиваленең сайлап алу туры узды. 16 нчы мартта узачак фестивальнең финалына 2В, 3Б, 4А, 5Б, 6Б, 7Б, 8А, 8Б, 10 нчы сыйныфлар узды. 

Бүген гимназиядә 2-5 нче сыйныфлар арасында Театр фестиваленең сайлап алу туры узды. Жюрида  Казан дәүләт мәдәният институты профессоры, Россиянең атказанган мәдәният хезмәткәре Сафиуллин Н.С., Казан дәүләт мәдәният институты доценты, Татарстанның атказанган сәнгать эшлеклесе Мөбәрәков М.С., Казан дәүләт мәдәният институты доценты, Татарстанның атказанган сәнгать эшлеклесе Шәрипов Р.Т. һәм Татарстанның атказанган сәнгать эшлеклесе, "Яңа гасыр" телерадиокомпаниясе режиссеры Нурания Җамали кебек мәртәбәле кунаклар эшләде. Иртәгә әлеге чара 5-10 нчы сыйныфлар арасында узачак.

Хөрмәтле укучы кызларыбыз, хөрмәтле хатын-кыз коллегаларыбыз, техник хезмәткәрләребез! Сезне якынлашып килүче язның беренче бәйрәме - 8 нче март белән белән котлыйбыз! Яз сулышы гаиләләрегезгә муллык, күңелләрегезгә сабырлык, тәннәрегезгә саулык китерсен. Өстәлләрегез мул, аш-суларыгыз тәмле, көннәрегез ямьле булсын!