5 октябрьдә гимназиянең спорт залында Укытучылар көненә багышланган спорт чаралары узды. Иң элек башлангыч сыйныфлар катнашында күңелле эстафета оештырылды. Биредә гимназиянең иң актив өч укытучысы – башлангыч сыйныф укытучылары Ләйсән Самат кызы, Рәсимә Мидхәт кызы һәм музыка укытучысы Лилия Дамир кызы җитәкчелегендә өч команда – 4 А, 3 А, 3 Б сыйныф укучылары катнашты. Физкультура укытучысы Мәһдиев Илдар Рәшит улы катнашучыларга берсеннә-берсе кызыклы сынаулар уздырды. Шулай итеп, ахырда җиңүчеләр билгеле булды: “Гепардлар” командасы (3 А; капитаны – Рәсимә Мидхәт кызы) – 3 урын, “4 класс – просто класс” командасы (капитаны – Ләйсән Самат кызы) – 2 урын, “Спортсменнар” командасы (3 Б; капитаны – Лилия Дамир кызы) – 1 урын. Бәйрәм чарасы “Энҗекәй” бию ансамбле чыгышлары белән үрелеп барды.

Өлкән сыйныфлар һәм гимназиянең волейбол буенча укытучылар командасы катнашында оештырылган волейбол ярышы беркемне дә битараф калдырмады. Гимназия укытучыларын һәм волейболчыларны 6 А, 9 сыйныф укучылары җырлы-биюле музыкаль композиция белән сәламләде. Кызганнан-кыза барган уен укытучылар командасының җиңүе белән тәмамланды.

Хөрмәтле Остазлар! Изге юлыгыздан барганда һәрвакыт шат, мөлаем, сәламәт, тормыштан канәгать булып атлагыз. Бәйрәм белән СЕЗНЕ!

“Нур” балалар оешмасы