Гимназия чыгарылыш сыйныф кызларыбыз өчен Соңгы кыңгырау чыңлады. Барыбыз да аларны чын күңелдән котлыйбыз һәм Бердәм дәүләт имтиханнарын тапшыруда уңышлар телибез! Кызларыбызга һәм аларның әти-әниләренә изге теләкләр ирештерергә кунаклар да килгән иде. Россиянең һәм Татарстанның халык артисты, Татарстанның Г.Тукай исемендәге Дәүләт бүләге лау¬ре¬а¬ты Нәҗибә Гыймаделислам кызы Ихсанова, Бөтендөнья татар конгрессы редактор-модераторы Әлфия Туфан кызы Миңнуллина-Юнысова, Татарстан Республикасының «Ак калфак» хатын-кызлар җәмгыяте рәисе Кәдрия Рәис кызы Идрисова, Татарстан Республикасы фәннәр академиясе Ш.Мәрҗәни исемендәге тарих институтының баш фәнни хезмәткәре Тәминә Әхмәт кызы Биктимирова кызларыбызны ихлас күңелдән тәбрикләделәр, бүләкләр тапшырдылар. Бәйрәм онытылмас, бик матур узды. Ә Туфан абый беләзегенә быел Гарәфетдинова Камилә лаек булды. Тормыш юлларыгыз якты, уңышлы, бәхетле булсын, кызлар! Изге максатларыгызга ирешергә насыйп булсын! Вот и прозвенел последний звонок для наших выпускниц! Праздник получился очень домашним, трогательным и незабываемым! Желаем, вам девочки, успешной сдачи выпускных экзаменов и исполнения желаний!!!