Шул уңайдан Фатиха Аитова исемендәге татар телендә белем бирүче 12 нче гимназиядә шаулап-гөрләп «Халыклар дуслыгы»фестивале узды.

Быел ул VIII тапкыр үткәрелә. Фестивальдә 2-8 сыйныфлар һәм 10 сыйныф укучылары катнаша. Алар Татарстан Республикасында яшәүче халыкларның үз үзенчәлекләрен, гореф-гадәтләрен, мәдәниятен сәхнәдә күрсәтә. Милли ризыкларыннан торган күргәзмә оештыра. Һәр милләт вәкиле тамашачыны үзенең җыр-моңнары, дәртле биюләре белән таныштыра. Милләтләр арасындагы дуслык, бердәмлек җепләрен ныгыта.

Бездә бүген бәйрәм! Дуслык бәйрәме!
Карап тормый ара еракка,
Дуслар килде безгә кунакка!

Кунаклар арасында Себер, Пермь, Самара татарлары, рус, башкорт, кыргыз, казах, мари, крәшен, удмурт, әщербайдан кызлары да бар иде. Барлык сыйныфлар да бай эчтәлекле, матур чыгышлар күрсәттеләр.

«Без илебезнең тарихи үткәнен, ата-бабаларыбызның каһарманлыгын онытмаска, хөрмәт итәргә һәм төрле милләт кешеләре – барыбыз да тыныч, ямьле Татарстаныбызда дус-тату яшәргә омтылабыз,» - ди, фестивальдә катнашучы укучылар.