Ул татар халкының гореф-гадәтләрен, милли йола-бәйрәмнәрен өйрәнүгә багышланган фестиваль.

Фестивальнең максаты - туган телебезне, тарихыбызны, рухи байлыкларыбызны, гореф-гадәтләребезне өйрәнеп, буыннар арасында ныклы бәйләнеш булдыру, заманга яраклы иҗади шәхес тәрбияләү өчен шартлар тудыру.

Быел ЙОЛАФЕСТ гимназиябездә 4нче тапкыр үткәрелде. Барлык сыйныфлар да иҗади якын килеп әзерләнгән иде. Фестиваль «Каз өмәсе» белән башланып китеп, «Аулак өй» белән дәвам итте. «Боз озату» йоласын башлангыч сыйныф укучылары бигрәк яратып өйрәнделәр. Аннан «Бирнә жыю» күренеше әкерен генә Сабантуйга күчсә, «Печән өчте»нән соң кызлар «Кичке уен»га жыелдылар. Күптәннән онытылып барган «Яучы жибәрү» йоласы «Килен төшерү»гә барып ялганды, ә булачак яшь киленнәр «Самавар агарту» йоласын күрсәтте. Тирән эчтәлекте йолаларга бай булды быел фестиваль.