Бүген Ф.Г.Аитова исемендәге татар телендә белем бирүче 12 нче гимназиябездә «ЙОЛАФЕСТ» үткәрелде. Фестивальнең максаты - туган телебезне, тарихыбызны, рухи байлыкларыбызны, гореф-гадәтләребезне өйрәнеп, буыннар арасында ныклы бәйләнеш булдыру, заманга яраклы иҗади шәхес тәрбияләү өчен шартлар тудыру.

Фестивальдә 1-10 сыйныф укучылары катнашты. Укучыларыбызның тулы состав белән катнашулары, сөйләм, сәхнә осталыгы, йолаларыбызны тирән эчтәлекле итеп яктырта алулары куандырды. Су юлы күрсәтү, Исем кушу, Йомырка җыю, Бирнә җыю, Самавар агарту, Җиләк җыю, Аулак өй, Су буенда кичке уен, Боз китү, Карга боткасы, Каз өмәсе, Сабантуй йолалары тамашачылар күңеленә хуш килде.