Ә сез беләсезме, 1 сентябрьне кайчаннан бәйрәм итә башлаганнар? Белем көне буларак, ул 1984 елдан бирле билгеләп үтелә. Бу бәйрәм - Яңа уку елы башлануының тантанасы. Ә беренче сыйныф укучылары өчен бу - Беренче кыңгырау бәйрәме.

Быел гимназиябезгә 52 укучы кабул иттек. Нәни дусларыбыз бәйрәмебезне бизәп, үзләренең матур шигырьләрен сөйләде. Белем иленең серле ачкычын укытучы апаларына тапшырдык. 1а сыйныфы җитәкчесе - Самитова Альмира Миннуровна, 1б сыйныфы җитәкчесе - Гайнуллина Лейля Гусмановна.

1 сентябрь балачакның иң кадерле, якты бәйрәме - тәүге тапкыр гимназия бусагасын атлап кергән көн. Без дә быел ахыргы тапкыр, зур горурлану хисе белән яраткан гимназиябездә ахыргы 1 сентябрь иртәсен каршылыйбыз, дип дәвам итте сүзне чыгарылыш сыйныф укучылары. Бусаганы атлап керү белән кулдан тотып белем иленә җитәкләп баручы изге җанлы укытучыларына да рәхмәт җиткерделәр.

Бәйрәм җыр-биюләр белән үрелеп барды һәм Гимназия гимны белән тәмамланды. 

Инде бу кыңгырау борынгы, күптәнге.

Ничәмә елларны мәктәптә үткәрде.

Ул бик күп дусларын дәрескә чакырган,

Аннары зур юлга озаткан ахырдан.

"Чың" итеп алыр ул, кыңгырау - җиз батыр!

Ныг(ы)рак кагылсаң, мәктәпне кузгатыр.

Мә, дустым, чылтырат, бүгеннән - мәктәпкә!

Бүгеннән - зур юлга: хәерле  сәгатьтә!