13 нче апрельдә гимназиягә Татарстан Республикасы Балтач муниципаль районы Алан урта гомуми белем бирү мәктәбе укытучылар коллективы килде.
Алар “Федераль дәүләт белем бирү стандарлары шартларында татар телендә белем бирүче укыту оешмаларының эш үзенчәлекләре” исемле республика фәнни-методик семинары эшендә катнашып укытучыларыбыз Фәйрушина З.Җ., Миңнехуҗина Р.М., Крутовских Д.И., Камалова Л.С., Сафина Р.Х., Насыйбуллина Г.З., Попова А.В., Шагеева С.В., Каюмова Д.Ф., Фомина С.А., Җәләлова А.Ф., Мәһдиев И.Р. дәресләрендә булдылар.
Кунаклар гимназиябезнең эшчәнлеге, укучыларыбызның төрле юнәлештәге иҗатлары белән танышты.
Тема буенча сөйләшү һәм фикер алышуда Татарстан Республикасы мәгарифне үстерү институтының татар теле һәм әдәбияты кафедрасы җитәкчесе, филология фәннәре кандидаты Шәмсетдинова Рәсимә Равил кызы, КФУ доценты, биология фәннәре кандидаты Русинова Саҗидә Исмәгыйль кызы, ике коллективның укытучылары катнашты.
Шулай ук семинар кысаларында Татарстанның Халык язучысы Рабит Батулла, “Казан утлары” журналының проза бүлеге мөхәррире – язучы Камил Кәримов, “Казан утлары” журналының шигърият бүлеге мөхәррире – шагыйрә Гөлзадә Бәйрәмова белән бик кызыклы очрашу булды.
Кунаклар фикеренчә, семинар ихлас шартларда һәм бик файдалы узды.