Өлкәннәр көне уңаеннан, 6нчы һәм 7 нче сыйныф укучылары белән Антиповлар гаиләсенә юл тоттык. Чөнки, ул йортта авылыбызның алтын куллы оста бабай - Николай Сергей улы яши. Ул  1949 нчы елның 15 ноябрендә Минзәлә районы Мәлкән авылында туган. Тормыш иптәше- Фәнисә Галәми кызы- 1955 елның 15 маенда Минзәлә районы Югары Тәкермән авылында туган.

        Йорт янына килеп җитү белән аның матурлыгына исләр китәрлек. Аның тышы шулкадәр күз явын алырлык итеп челтәрләп бизәкләнгән. Тәрәзә кашагаларына карап туймаслык. Балалар бабайга үзләрен кызыксындырган сорауларны яудырдылар.Николай абый ул сорауларның һәммәсенә дә җентекләп аңлатып җавап бирде. Аннан без балалар белән юлны остаханәгә тоттык. Анда нинди генә эш кораллары юк. Николай бабайның оста куллы кызы- Альбина да яши бу йортта. Ул безгә үзенең эш кораллары турында сөйләде: фреза станогы, болгарка, лобзик, циркуль, стусло, токарлык станогы, дрель, универсаль станок, калай кисә торган кайчылар, сөяк кыру җайланмасын һәм башка бик күп станокларында эшләп тә күрсәтте. Өстәл лобзигында ул балалар өчен пазллар ясый икән. Кисеп бетергәч, пазлларны төрлечә бизәкли,буйый. Токарьлык станогында ул йорт җиренә кирәкле уклау, бәрәңге төйгеч ясаганын күрсәтте. Шулай ук ул тәрәзә рамнары да ясый икән. Хәзер инде ул калайдан кисеп төрле чәчәкләр ясарга керешкән икән. Калайдан ясаган чәчәкләрен дә ничек кисүе турында сөйләп үтте.

        Бу йортта барысы да уңганар .Хуҗабикә Фәнисә апа да күз явын алырлык мендәр тышлары чигә, тегә,бәйли,телне йотардай камыр ризыклары әзерләп гаиләдәгеләрне сыйлый.Бүген дә тәмле ризык исе бөтен тирә-якка таралган иде. Әби безне дә өйгә чакырды. Өй эче якты, тәмле ризык исе бөркелә. Альбинаның өйдә эшләгән эшләренә дә күз салдык. Анда агачтан бизәкләп ясалган кашыклар, сөяктән ясалган вазалар, агачтан ясалган хайван сыннары, картиналар бар. Ул картиналарны буяу белән генә түгел, җеп белән каймалап та чигә икән.Ә стенада агачан кисеп ясалган айлар һәм төрле бизәкләр белән бизәлгән стена сәгате үзенә күзебезне җәлеп итте. Ә аш бүлмәсендә агачтан кисеп ясалган дулкын өстендә тирбәлүче дельфиннар белән бизәлгән стена сәгате эленгән.

      Николай бабай әле гармунда да сыздыра икән. Матур итеп көй сузып җибәрде. Ул кызын да гармунда уйнарга өйрәткән икән. Бик күңелле сөйләшүләрдән соң, әби безне өстәл янына дәште. Анда нинди генә тәмле ризыклар юк иде. Тәмле итеп чәй белән сыйлады.

     Без барыбыз да ниндидер әйтеп бетергесез хисләргә күмелеп, аларга озын гөмер теләп, күп кенә кызыклы мәгъүмат алып өйләргә таралыштык.

 28 сентября ,мы учащиеся 5-7 классов, встречались с исполнительным директором отделения "Такермень" агрофирмы «Чулман» ООО Органик групп Маузиевым Ильфаком Рафаэловичем .Это была очень интересная встреча. Ильфак абый рассказал нам о своей жизни: кто его родители ,как он учился в школе, где он получил образование, где он и кем работал. А самое интересное было ,конечно же,узнать мечту.Оказывается ,как и все мальчишки, в детстве он мечтал стать лётчиком! Представляете?! Мы с большим интересом слушали Ильфака Рафаиловича.Он дал нам много полезных советов; как выбирал профессию, как для этого надо учиться и т.д. Он пожелал нам успехов в учёбе и всяческих удач .А мы в свою очередь выразили ему большую благодарность за столь познавательную беседу .И вами удачи ,Ильфак Рафаэлович.

Күпме булса җирдә изге теләк-

Без телибез Сезгә барсында!

Ак чәчәкләр кебек бәхет яусын

Туар көннең һәрбер таңында.

Әйдә, әйдә, гомер үтсә утсен,

Ә йөрәккә кырау төшмәсен.

Килер көнгә сәламәтлек белән

Куанычлар гына өстәлсен.