Гимназия хезмәткәрләре районкүләм спорт ярышларында да катнашалар. Менә бу ял көннәрендә гимназия командасы "Кышкы спартакиада - 2019" дип аталган ярышларда катнашып, 27 команда арасында 4че урынны яулады. Афәрин!

15 нче февраль көнне гимназиядә Афганда булганнарны каршы алдык. Афган сугышы төгәлләнүенең 30 еллыгына багышлап Мәгариф бүлеге оештырган бу чарада гимназия укучылары да актив катнашты. Һәркемнең күңелендә авыр сугыш вакыйгалары яңарды.

Сәвия Радик кызының олы юбилее, коллектив үзенең яраткан хезмәттәшен бу күңелле вакыйга белән котлады.

Гимназиянең 5-6 нчы сыйныф укучылары Педагогик көллияттә урнашкан Муса Җәлилнең мемориаль музеенда булдылар. Әдипнең тормышын өйрәнеп, әсәрләрен сөйләп, батырлыгын зурладылар. Хәбирова Фирүзә "төрмәдә төш" шигырен сөйләп күрсәтте.

10 нчы сыйныф укучысы Шакиров Рәүф Казан шәһәрендә Җәлил укуларын йомгаклау тантанасында катнашып, 3 нче дәрәҗәдәге Диплом белән бүләкләнде. Афәрин! Укытучысы Ильина Миләүшә Әхтәм кызын һәм Рәүфне бу җиңүләре белән котлыйбыз!

Гимназиядә М.Җәлил батырлыгына багышланган футбол ярышы булып узды. Ярышта 1-4сыйныф малайлары һәм аларның әтиләре катнашты. Дуслык җиңде, җиңү хөрмәтенә чәй табыны да әзерләнгән иде. Афәрин!

Бүген "Казан егетләре" бездә кунакта! Казанның иң талантлы, иң моңлы егетләре Минзәлә театрында булачак концертлары алдыннан гимназиягә дә кереп чыгарга уйлаганнар. Тормышларында булган кызыклы хәлләрне сөйләп, җырчы кешенең тормыш хәлләре белән таныштырып, үзләрен яраткан тамашачыны сөендергән өчен зур рәхмәт! Малайлар һәм кызлар талантлы егетләр белән очрашуга чын күңелдән шатланды. 

Татар баласының тормышында Әлифба китабы зур урын алып тора. Беренче хәреф, беренче сүзләр, мәктәп партасы артында уздырган беренче мизгелләр ... Бу хәтирәләр кеше хәтерендә гомерлеккә уелып кала, баланың мәктәпкә булган карашын формалаштыра. 8 нче февраль көнне гимназиядә 1 нче сыйныф укучыларының "Әлифба" бәйрәме узды. Менә тагын бер төркем укучылар үзләрен укый белә торган, мәктәп укучысы итеп хис итте. Сыйныф җитәкчесе Асылгәрәева Гөлиса Хатип кызы кичәгә килгән ата-аналарны, балаларны бу зур шатлыклы бәйрәм белән котлады. Беренчеләребез үзләренең һөнәрләре белән таныштырды. Бәйрәм гөрләп узды! Котлыйбыз!

Бүген гимназиядә "Иң яхшы татар теле һәм әдәбияты укытучысы" бәйгесенең зона туры уза. Республикабызның 7 районыннан килгән татар теле һәм әдәбияты укытучылары осталыкта, зиһенлелектә бил алыша. Чараны гимназия укучылары җыр-бию белән ачып җибәрде. Конкурста катнашучылар арасында Минзәлә районы Кадрәк мәктәбе укытучысы Ибраһимова А.Ә.да бар. Уңышлар телик!

В гимназии учащиеся начальных классов на переменах учатся играя. В рамках реализации полилингвальной реды, стартовал проект Смарт Зона (умные стены), где подразумевается динамические паузы на трех языках. Учащиесяв восторге!