Татарстанның 100 еллык юбиее уңаеннан гимназиядә бик күп чаралар оештырылды. Китапханәчебеә Ризванова Ә.Ш. оештырган күргәзмә шундыйлардан. Күргәзмәдә республика тарихы, аның күркәм кешеләре, җитәкчеләре турында да мәгълүматлар табарга була.

Татар милли традицияләренең иң күркәме - татар кешесенең җыр-моңга гашыйк булуы, гармун уйнап, элек-электән күңел юата белүе, бәйрәмнәрне матур итеп үткәрә алуы. 4 нче сыйныф укучылары, 8 нче Март бәйрәмнәрендә "Уйнагыз, гармуннар!" кичәсе оештырып, укучыларыбызның игътибарын гармун уен коралына юнәлтте, аның матурлыгына тагын бер сокланырга мәҗбүр итте. Кичәдә Минзәлә шәһәренең иң төп гармун остазы Альберт Зиннур улы катнашты. Гимназиянең инглиз теле укытучысы Марат Фәез улы, һәрвакыттагыча,  кичәнең үзәгендә булды. Гармунда уйнарга өйрәнеп килүче укучыларыбыз да үзләренең осталыкларын күрсәттеләр. Кичә бик күңелле, хисле булды. Афәрин! Сыйныф җитәкчесе Раушания Шамил кызына бик рәхмәтлебез.

8 нче Март - Халыкара хатын-кызлар көне белән! Язгы бу бәйрәм беркемне дә битараф калдырмый. Балалар үз куллары белән ясаган бүләкләрен өләшә, малайларыбыз кызларны-гүзәл затларны сөендерә, мәктәп администрациясе үз хезмәткәрләрен котлый. Мәктәбебез бүген шат авазлардан гөрләп тора. Һәммәгезне дә бәйрәм белән!

Гимназия кызлары - бик сөйкемле, зыялы, озын чәчле кызлар. 8 Март бәйрәмнәренә багышлап, 5-11 нче сыйныф кызлары арасында "Озын толым" бәйгесе үткәрелде. Иң актив җанатарлар, билгеле, малайлар булды.

Лаеклы ялга чыккан педагогик хезмәткәрләребез мәктәпне бик хөрмәт итәләр, бәйрәмнәрдә килеп, коллектив һәм укучыларыбыз белән күрешеп яшиләр. 8 нче Март бәйрәмнәренә багышланган чараларда да алар табын түрендә булдылар, һәрвакыттагыча, гимназиягә бәйрәм кәефе алып килделәр, төрле чараларда катнаштылар. 

Бүген гимназиядә балалар иҗатының “Без бергә” дип исемләнгән Республикакүләм фестиваль – конкурсының мәктәп туры узды.

Бәйгедә төрле сыйныфладан да катнашучылар булды. Алар үзләренең чыгышларын зур иҗади якын килеп башкардылар.

Афәрин, балалар, булдырдыгыз!

Бу ялларда Мәгариф хезмәткәрләренең кышкы спартакиадасы булып узды. Бәйгедә гимназия командасы да катнашты. Кышкы спорт төрләреннән башка биредә мәгариф хезмәткәрләре гер күтәрү, армстерлинг, канат тартышу кебек спортларда да көч сынаштылар. Спорт - сәламәтлек нигезе, барлык катнашучылар күтәренке күңел белән кайтып китте.

Бүген гимназия хезмәткәрләре өчен ачык һавада кышкы ял оештырдык. Табигать белән хозурланып, чаңгы-чанада шуып, кайнар чәй белән сыйланыр өчен иң күңелле көн иде бүген. Гимназия хезмәткәрләре моны кулдан ычкындырмады! Яллар бик күңелле үтте.

Кошларның азык табуда авыр вакытлары җитте, язга таба аларга бик авыр. Гимназия укучылары кошларга-дусларга ядәм итәргә тырышалар. Алар, җимлекләр ясап, үзләренең активлыкларын күрсәтәләр.

2.03.2019 для учащихся 9-11 классов гимназии был проведён диспут  «Нужно ли рисковать собой ради спасения жизни других?»

Ученики рассмотрели различные ситуации и пришли к выводу: человек способен во имя спасения другого пожертвовать своей жизнью.

И если у него «горячее сердце», он не будет рассуждать, стоит ли этого человека спасать, заслуживает ли он этого.

Мероприятие завершилось просмотром видеоматериалов о "Горячих сердцах".