26 апрельдә яраткан татар шагыйре Габдулла Тукайның туган көне билгеләп үтелә. 2023 елның 26 апрелендә Камай төп гомуми белем бирү мәктәбендә "Тукай-син мәңгегә безнең йөрәкләрдә!" чарасы узды.Габдулла Тукайга җирдә чирек гасырдан артык яшәргә рөхсәт ителгән. Ул 27 яшен тутыруга 11 көн кала вафат була. Мондый кыска вакыт эчендә нәрсә эшләп була? Әмма Габдулла Тукай кыска гомерендә күп нәрсәгә өлгерә. Аның язмышында авыр мизгелләр дә, шатлык минутлары да булган . Чарада балаларга шагыйрьнең авыр балачагы, аның тормышы һәм иҗаты турында сөйләделәр. Балалар аның биографиясеннән күп яңалыклар ишеттеләр, замандашларының татар халкының бөек улы турындагы истәлекләрен тыңладылар. Чарага китап күргәзмәсе әзерләнгән, анда шагыйрьнең иҗаты белән якыннан танышырга мөмкин булган.