Бүген,15 февраль көнне, Камай төп гомуми белем бирү мәктәбендә татар теле һәм әдәбияты укытучысы һәм авыл китапханәчесе тарафыннан “Муса Җәлил – шагыйрь-герой” исеме астында чара  уздырылды. Чара герой-шагыйрь Муса Җәлилнең тууына 111 ел тулуга багышланды. Укучылар шагыйрьнең тормыш юлы һәм иҗаты буенча белемнәрен күрсәттеләр, яттан өйрәнгән шигырьләрен сөйләделәр. Күрсәтелгән презентация буенча укучылар Муса Җәлилнең гаиләсе, уку еллары, әсирлеккә эләгүе, медальләре, “Моабит дәфтәр”е турында белешмә алдылар. “Күлмәк” шигыре буенча видеоязма каралды. Шагыйрьгә бәйле истәлекле урыннар турында әңгәмә оештырылды.