15 апрель көннемәктәбебездә татар теле һәм әдәбияты атналыгы кысаларында  2-8 сыйныф укучылары өчен “Сүз эчендә хикмәт бар” исемле интеллектуаль уен булып үтте. Җиңүче исемен яулар өчен “Тәмле сүз” һәм “Туган тел” командалары ярышты. Командалар төрле авырлыктагы биремнәр үтәргә тиеш булдылар: “Мәкальләр чылбыры”, “Корректор” уены, капитаннар ярышы, хәрефләр эстафетасы һ. б. Бик күп ярышларны үтеп, “Тәмле сүз” командасы җиңүче булып танылды. Балалар үзләрен акыллы һәм тапкыр гына түгел, дуслык, татулык хисләрен дә күрсәттеләр.Чын күңелдән ышанып калабыз: укучыларыбыз зирәк, тапкыр, туган телләрен яратып, хөрмәт итеп яшәрләр.