Бүген 9-11 нче класс укучылары өчен "Хәзинә артыннан карта буйлап сәяхәт" дип исемләнгән кичә уздырылды. Кичәне география укытучысы Шакирзянов И.Г. әзерләде. Әлеге уен-тамаша "Табигать фәннәре атналыгы" кысаларында уздырыла.

10-15 нче апрель көннәрендә мәктәптә "Табигать фәннәре атналыгы"  үтәчәк. Бүген "Язны сәламли кошлар"  дип исемләнгән тапкырлар һәм зирәкләр кичәсе узды. Аны биология укытучысы Фасхутдинова Н.А. үткәрде. Кичәдә 5- 8 нче класс укучылары катнашты.

Бүген мәктәптә сәламәтлек көне билгеләп үтелде. Башлангыч классларда "Иртәнгә зарядка" һәм "Күңелле стартлар", ә өлкән класс укучылары арасында эстафета үткәрелде. 

Өлкән класс укучылары арасында узган эстафета. Ярышта "Раил" командасы җиңде. Эстафета "Сәламәтлек көне" уңаеннан уздырылды

Укучылар үзидарәсе балалар бакчасында  "Бәхетле балачак" акциясе уздырды. Укучылар кечкенә дусларына төрле уеннар өйрәттеләр һәм кәгазьдән төрле-төрле эшләнмәләр ясап күрсәттеләр.

Мәктәп китапханәсендә балалар китабы көннәре узды. Иң күп китап укучы балаларны билгеләп үттеләр.

Мәктәптә бүген көлке көне узды. Укучылар үзидарәсе әлеге көнне авыл халкы белән дә уртаклашты. 

Канатлы дусларыбызга бүген аеруча хөрмәт күрсәтелде. Дәресләрдә кошлар турында сүз алып барылды.

Ветеран укытучы Рашида Хөсәен кызы Әүхәдиева 6-11 нче класс укучыларына "Гыйлемле булуның әһәмияте" хакында сөйләде. 

Районкүләм уздырылучы конкурс нигезләмәсе буенча мәктәбебездә сыерчык ояларына бәйге игълан ителде.