С 19 ноября до 25 ноября будет проводитҗся неделя математики, информатики и физики.

2-3 ноябрь көннәрендә мәктәптә "Уңыш" бәйрәме узды. Укучылар командаларга бүленеп төрледән-төрле ярыш-конкурсларда катнаштылар, күңел ачтылар. Ә инде соңыннан карбыздан, өстәл артына утырып  төрледән-төрле сыйдан авыз иттеләр. Ә иң шатландырганы шул булды: һәр укучыга җиләк-җимеш тутырылган пакет өләшенде.  

Үзеңнән соң килгән буын синең яхшы гамәлләрең турында сөйләсен өчен ниләр эшләргә? Тарих битләрендә күркәм вакыйгалар белән кереп калу өчен ниләр кылырга? Артык уйлап торасы да юк- агач утырт! Бүген әлеге изге гамәлләрне мәктәп укучылары белән бергә авыл җирлеге хезмәткәрләре дә кылды. Мәктәп питомнигында үстерелгән агач үсентеләрен "Чыгарылыш класс аллеясына", авылның  ял паркына, балалар бакчасы ишегалдына, мәчет бакчасына утырттылар.

7 нче класста гына укыса да, Илсинә мәктәп тормышында иң актив укычыларның берсе.  Бию, спорт. кул эшләре-аның иң яраткан мавыгуы. Эшне, хезмәтне үз итә. Ничек барысына да өлгерә диген?! Кыскасы, бер урында таптана торган укучы түгел. 26 нчы октябрь көнне район күләмендә үткәрелгән теннес ярышында катнашып, 3 урынны яулады ул. Аның көче һәм классташы Искандаров Илназ тырышлыгы белән әлеге ярыш нәтиҗәләре буенча мәктәп 5 нче баскычка күтәрелде. Булдыргансыз укучылар!

Рәсемдә: Илсинә Марданова

23 нче октябрь көнне "Парламент дәресләре" уздырылды. 

Урта Кирмән мәктәбе ТР Уйлап табучылар һәм рационализаторлар җәмгыяте белән тыгыз элемтә урнаштырдылар. 23нче октябрь көнне әлеге җәмгыятьнең рәисе, техник фәннәр кандидаты, ТРның атказанган рационализаторы, РФнең почетлы химигы, СССР спорт мастеры Ленар Гайсин, ТР атказанган рационализаторы, Казан дәүләт энергетика университеты укытучысы Риннат Нуруллин һәм “Мәгариф” журналының бүлек мөхәррире Таһир Сабирҗанов кунакка килделәр.Урта Кирмән укучылары үзләре уйлап тапкан ясалмалары хакында сөйләделәр. Ильмир Ибраһимовның чүлмәк ясау җиһазы, Илфат Хәйруллинның моторлы көймәчеге, Айрат Юлдашевның электрлы тырнак кыргычы галимнәрдә кызыксыну уятты. Балалар үз эшләнмәләрен тәкъдир иттеләр. Галимнәр аларга яхшы бәя бирделәр, уңышлар теләделәр.