Агымдагы укыту-тәрбия елы ахырына якынлашты. 2025-2026 нчы ел -  кызыклы шогыльләр, яңа конкурслар, зур җиңүләр, яңа ачышлар алып килде. Рәхмәт әти-әниләр! Һәрчак безгә терәк булып, ярдәмләшеп бергә эшләдек! Балалар безнең иң тырыш, иң җитез, иң кызыксынучан, иң тәртиплеләр! Киләсе елыбызны исән-сау каршы алып, тагын да кызыклырак, яңа ачышлар, бөек җиңүләр белән уздырырга насыйп булсын! Ә алда күңелле җәй! Имин, күңелле җәйләр булсын Дусларыбыз!

Бакчабызда "Минем гаиләм - горурлыгым!" дип исемләнгән проектның соңгы шогыле үтте.Әлеге проект - гаиләдәге якын кешеләр, гаилә кыйммәтләре,  хөрмәт, ярату, ышаныч кебек күп кенә төшенчәләрне үз эченә алды. Балалар әлеге проектта бик яратып катнашып, актив булдылар. Һәр бала гаиләле, әти-әниле, сау-сәламәт булса иде!

Халкыбызның бөек шагыйре Г.Тукайның тууына 140 ел! Әлеге матур датаны хөрмәтләп күп кенә конкурслар, бәйрәм кичәләр узды. Бакчабыз да төрле конкурсларда актив катнашты. Апушева Анита, Магсумова Алсу, Партушев Ваня - "Творческое наследие Габдуллы Тукая" дип исемләнгән районкүләм конкурста җиңүчеләр исемлегендә! Котлыйбыз сезне дусларыбыз!

Бакчабызда башлангыч сыйныф укучылары һәм укытучылар белән берлктә бик матур бәйрәм - "Тукай безне җырлы итте" дип аталган шигырь кичәсе булып узды. Г.Тукайның шигырьләре, җырлары белән үрелеп барган бәйрәм бик эчтәлекле, кызыклы узды.

Апушева Анита  2 нче урын яулады!!!Котлыйбыз сине кечкенә йолдызыбыз!Алга таба да зур уңышлар сиңа!