Халкыбызның бөек шагыйре Г.Тукайның тууына 140 ел! Әлеге матур датаны хөрмәтләп күп кенә конкурслар, бәйрәм кичәләр узды. Бакчабыз да төрле конкурсларда актив катнашты. Апушева Анита, Магсумова Алсу, Партушев Ваня - "Творческое наследие Габдуллы Тукая" дип исемләнгән районкүләм конкурста җиңүчеләр исемлегендә! Котлыйбыз сезне дусларыбыз!

Бакчабызда башлангыч сыйныф укучылары һәм укытучылар белән берлктә бик матур бәйрәм - "Тукай безне җырлы итте" дип аталган шигырь кичәсе булып узды. Г.Тукайның шигырьләре, җырлары белән үрелеп барган бәйрәм бик эчтәлекле, кызыклы узды.

Апушева Анита  2 нче урын яулады!!!Котлыйбыз сине кечкенә йолдызыбыз!Алга таба да зур уңышлар сиңа!

Әлеге шогыльдә балалар яз билгеләрен өйрәнүне дәвам итеп, туган ягыбызга нинди күчмә кошлар кайтып җиткәнен, аларның нинди төрләрен очратканнары турында фикерләштеләр.Кошларның табигатьтәге роле, әйләнә-тирәбезгә әһәмияте турында белемнәрне ныгытып, аларны саклау юллары белән таныштылар. 

Мәктәптә "Туган якны өйрәнү" музеенда балалар зур кызыксыну белән борынгы эш кораллары, көнкүреш кирәк-яраклары, казылма табылдыклар белән таныштылар."Элек гел дә ут булмаганмы?", "Киемнәрне стиральная машинасыз ничек юып бетергәннәр?" кебек кызыклы сораулар биреп әби-бабайларыбызның тормышы белән тагын да якыннанрак таныштылар.

Талантлы балаларны ачыклау һәм аларның сәләтләрен үстерү максаты белән ел саен районыбыз тарафыннан матур конкурс-фестиваль үткәрелә. Әлеге конкурста бакчабыздан Апушева Анита вокал номинациясендә катнашып район турына үтте.Уңышлар сиңа нәни йолдызыбыз! 

Герой шагыйрь Муса Җәлилнең тууына 120ел.Туган илен, халкын сөйгән шагыйрьнең шигырьләрен балалар яратып кабул итә. Бакчабыз нәниләре "Куян", "Маэмай", "Карак песи" шигырьләрен аеруча яраталар.