Бакчабызда бүген Космонавтика көнен бик кызыклы, эчәтекле билгеләп үттек. Балалар космос турында белемнәрен  ныгыттылар, кызыклы биремнәр чиштеләр, "Галәм - гаҗәеп ачышлар иле" исемендә кул эше башкардылар.

1 нче апрель - кошлар көне билгеләп үтелә. Бакчабыз нәниләре әлеге көнне кошлар турында кызыклы мәгълүмат белән танышып, төрле кызыклы сорауларга җавап та бирделәр, биремнәр дә чиштеләр. Яз килүенең хәбәрчесе - сыерчык рәсемен ясап, белемнәрен тагын да ныгыттылар.

Төбәкара шигырь сөйләүчеләр конкурсында Әхмәтҗанов Раян 2 нче дәрәҗә дипломга лаек булды. Афәрин, Раян, алга таба да зур уңышлар сиңа!

Бакчабызда бүген зур бәйрәм - Гаилә бәйрәме узды. Зур бәйрәм, чөнки кунак булып безгә әти-әниләр, әбиләр килде. Балалар бик тырышып иҗади осталыкларын күрсәттеләр, һәркайсы үз гаиләсенә багышлап матур шигырьләрен сөйләделәр. Әти-әниләр яратып кызыклы уеннарда катнаштылар, музыкаль күчтәнәчләр бүләк иттеләр. Һәр гаилә һәрвакыт шулай нык, тату, бердәм булып балалардан бары тик шатлыклы мизгелләр генә тоеп яшәсен!