9-нчы август көнне С.П.Горбунов исемендәге Казан авиация заводының аэродромы территориясендә Россия авиациясе көненә багышланган “Мин күкне сайлыйм!” дип исемләнгән традицион авиация бәйрәме булып узды. Быелгы бәйрәм РФ Хәрби һава көчләре авиациясенә - 100 ел, очучы-космонавт Ю.А.Гагарин тууына 80 ел, авиаконструктор С. В. Ильюшин тууына 120 ел, вертолетлар конструкторы М.Л.Мильнең тууна 105 ел туу хөрмәтенә багышланып уздылды.

Авиация бәйрәмен уздыруның төп максатларының берсе – балалар һәм яшьләр арасында техник белгечлекләрне популярлаштыру.

“Мин һаваны сайлыйм!” бәйрәмендә безнең мәктәп укучылары да бик теләп катнаштылар. Алар самолет һәм вертолетларның төрле модельләре белән таныштылар, очучы һөнәре, техник белгечлекләр турында кирәкле һәм кызыклы мәгълүматлар алдылар.
Төрле ярыш-бәйгеләрдә катнашып, бүләкләр һәм призларга ия булдылар.

Бәйрәм укучыларга яңа белемнәр дә, яхшы кәеф тә бүләк итте.

Татар теле һәм әдәбияты укытучысы М.Г.Садыйкова