Бүген Туктар Урдалы авылында яшәүче Бөек Ватан сугышы ветераны, танылган, олы шәхес, хөрмәтле укытучы-ветеран, Хөснетдинов Касыйм Гариф улының туган көне, аңа 90 яшь. Шушы уңайдан мәктәбебездә ветеранны котлап "Без сугышны әле онытмадык" кичәсе үткәрелде. Касыйм абыйны котларга балалары, хезмәттәшләре һәм укучылары җыелды.
   Кичәне 9 класс укучылары сугыш башланган көнне сәхнәләштереп башлап җибәрделәр. Аннан тарих укытучысы Минахметов А.З. 1941-1945 елларда илдә булган хәлләр турында сөйләде. Кичә укучылар тарафыннан әзерләнгән җырлар, биюләр белән үрелеп барды. Бәйрәмебез кунагы Касыйм абыйны котлау өчен аның укучыларына да сүз бирелде. Шулай ук Лениногорск мәгариф бүлегеннән Киселева Н.В. Касыйм абыйга "Рәхмәт хаты" һәм бүләк тапшырды. Лениногорск районы башлыгы Лениногорск мэры Хусаинов Р.Г. исеменнән Рафикова Г.М. юбилярга котлау сүзләрен җиткерде. Бәйрәмнең ахыры чәй табыны янында тәмамланды.