Муниципальное бюджетное дошкольное образовательное учреждение "Детский сад №24 г.Лениногорска" муниципального образования "Лениногорский муниципальный район" Республики Татарстан
Визитная карточка
Адрес: | 423251, Республика Татарстан, Лениногорский район, г. Лениногорск, ул. Агадуллина, д. 3а |
Телефон: | +7(855)-955-25-18 |
E-Mail: | dougorod24@mail.ru |
Министерство: | Министерство образования и науки Республики Татарстан |
Короткое название: | МБДОУ"Детский сад № 24" |
Руководитель: | Хисамова Илюза Ильгизовна |
Год основания учреждения: | 1983 |
У нас учатся: | 110 детей |
У нас учат: | 16 педагогов |
Новостной блок
Весело на занятиях
Опубликовано: 13.12.2016
Татар теле турында шигырьләр.
Дөньяда иң – иң матур ил,
Ул минем Туган илем.
Дөньяда иң – иң матур тел,
Ул – минем туган телем.
*************************
Туган телемдә сөйләшеп
Яшим мин Туган илдә.
“Туган ил” дигән сүзне дә
Әйтәм мин туган телдә.
**************************
Нинди таныш моңлы көй бу?
Тукай җыры “Туган тел”.
Истән бер дә чыкмый торган
Халык көе “Туган тел”.
****************************
Иң матур тел – туган тел,
Атам – анам сөйләп торган тел.
****************************
Адаштырмас маягыбыз – мирас,
Юлда юлдаш – туган телебез.
Туган телне, җирне сөйсәк кенә
Матур булыр алгы көнебез.
*****************************
Йөри безнең бакчага,
Бик күп төрле балалар.
Төрле – төрле телләрдә
Сөйләшә белә алар.
******************************
Дустым сүзен өч телдә
Өйрәндем мин үзем дә.
Әйтә беләм дүрт телдә
“Исәнмесез” сузен дә.
*******************************
Татар телен Такташ сөйде
Тукай өзелеп мактады.
Урам теле түгеллеген
Насырый да яклады.
******************************
Туган тел – иң татлы тел,
Туган тел – иң тәмле тел.
Тәмле дип, телең йотма –
Туган телне онытма.
********************************
Туган җирем – Идел буе,
Һәр телнең бар туган иле.
Туган җирең кебек назлы
Җырдай моңлы татар теле.
*********************************
Халкым теле миңа – хаклык теле,
Аннан башка минем илем юк.
Илен сөймәс кенә телен сөймәс,
Иле юкның гына теле юк.
****************************
Идел суы ярты Европаны
Иңләп аккан шикелле.
Татар телен сөюебез
Безне монда китерде.
*****************************
Үз ана телем – минем өчен
Матур, иң тәмле тел.
Үз телем – әйберем булган өчен
Ярата күңел.
*********************************
Туган оясыннан аерылган кош
Канатына мәңге ял тапмый.
Туган телен яратмаган кеше
Башкаларның телен яратмый.
**********************************
Халкым теле миңа – хаклык теле
Аннан башка минем телем юк.
Илен сөймәс кенә телен сөймәс
Иле юкның гына теле юк.
**********************************
Анам теле – телләр теле
Милләтемнең бердәнбере.
Син булганга без дә исән
Син булганга без дә тере.
**********************************
Татар җыры, татар биюе
Алып килә халкым хәтерен.
Я оялчан, инсаф, ягымлы ул –
Үзе салмак, үзе әкерен.
*************************************
Туган илкәй....
Бу исемдә язгы моңнар,
Бу исемдә җанга рәхәт татлы моң бар.
Бу исемдә киләчәгем һәм үткәнем;
Туган халкым, туган илем,
Туган телем.
**********************************
Арттырмыйм да, киметмим дә шуны белегез
Татар теле – энҗе, мәрҗән тулы тел.
Моңлы тел ул, нурлы тел ул – Туган тел –
Баш очында кояш булып тора гел.
**************************************
Туган телем – татар теле,
Сандугачлар теле бит ул.
Үзе гади, үзе бөек,
Аһәңле һәм моңлы бер тел.
***************************************
“Балам” диеп туган телдә
Эндәшә миңа әткәм.
“Әнкәем” дип әниемә
Мин туган телдә дәшәм.
***************************************
Иң изге хисләремне мин
Туган телдә аңлатам.
Шуңа күрә туган телне
Хөрмәтлим мин, яратам.
***************************************
Татар телен, туган телне
Кечкенәдән яратам.
Мин татар малае, - диеп
Горурланып йөрим мин.
**************************************
Татар теле – анам теле,
Иң беренче бабам теле.
Буыннардан – буыннарга
Күчеп килгән заман теле.
***************************************
Татарча да яхшы бел,
Русча да яхшы бел.
Икесе дә безнең өчен
Иң кирәкле затлы тел.
***************************************
Тел кешене дус итә
Бер – беренә беркетә.
Бел, балам, син рус телен
Һәм онытма үз телең.
**************************************
Туган тел ул, иң изге тел
Шуны белегез!
Ишек ачык, кил, рәхим ит
Туган телебез.
***************************************
Знай татарский ты язык,
Знай и русский ты язык.
Оба очень нам нужны
Одинаково важны.
***************************************
Нәҗип Мәдияров. Татар теле.
Татар теле минем туган телем,
Сөйләшүе рәхәт ул телдә.
Шул тел белән көйлим...
Шул тел белән сөйлим
Милләттәшем булган һәркемгә.
**********************************
Роберт Миңнуллин. Туган тел.
“Туган тел ” – Иң әйбәт шигырь. “Туган тел” – Иң әйбәт китап!
“Туган тел” – Иң әйбәт җыр. “Туган тел” – Иң әйбәт тел!
Туган тел Китабы да,
Әйбәт булганга, Җыры да
Шигыре дә,
Иң әйбәттер.
Тукай абый.
Әле укый белмәсәк тә,
“Туган тел”не җырлыйбыз.
Бу – Тукай абый бүләге,
Иң гүзәл бер җыр, дибез.
Әкиятләрен сөйләп, тыңлап
Телләребез ачыла.
“Су анасы”, “Шүрәле”ләр –
Безнең дуслар барсы да.
К списку новостей