28 сентябрьгә кадәр мәктәбебез укучылар "Республикакүләм тәмәке тарту, алкоголь һәм наркотикларга каршы социаль реклама"  конкурсында катнаштылар. Мәктәп күләмендәге иң яхшы ике укучының эше мәктәптән тыш эшләр үзәгенә җибәрелде. Болар: 8 нче сыйныф укучысы - Тимофеева Диана һәм 3 нче сыйныф укучысы - Иванова Эльвиналар. Әлеге укучыларга  район  турында уңышлар теләп калабыз.

25 нче сентябрьдә экстремизм һәм терроризм декадасы кысаларында мәктәп күләмендә "Толерантлык нәрсә ул?" һәм "Экстремизм. аңа ничек каршы торырга?" темаларына тәрбия сәгатьләре, түгәрәк өстәл үткәрелде. Шулай ук әлеге темага багышланган республикакүләм фотографияләр конкурсының муниципаль турында да мәктәбебез укучылары актив катнаштылар.

19 нчы сентябрь көнне мәктәбебез укучылары Кукмара районының 85 еллыгы һәм әдәбият елына багышлап үткәрелгән күргәзмә-ярминкәдә катнаштылар. Күргәзмәбез мәктәпләр арасында иң яхшысы иде. Шулай ук укучыларыбызның табигый материалдан ясаган сүрәтләре һәм чемпион яшелчәләре бөтен район халкын таң калдырды. 

Озайтылган көн төркеменә йөрүче укучылар өчен ТВБның 25 еллыгы уңаеннан сбор уздырылды. Сбор вакытында укчыларга дружина тормышы турында презентация күрсәтелде. Булачак эзтабарлар (2 нче сыйныф укучылары) оешманың символы белән танышты.

Вниманию родителей, законных представителей!

В соответствии с утвержденным графиком 15 сентября 2015 года с 10 с.00 мин.Уполномоченным по правам ребенка в Республике Татарстан запланирован совместный выездной прием населения с Министерством образования и науки Республики Татарстан и Прокуратурой Республики Татарстан в Кукморском районе по вопросам защиты прав и законных интересов детей.

Шәфкатьлелек атнасы кысаларында мәктәбебез укучылары көзге уңышны җыеп алуда тыл ветераннарына һәм ялгыз яшәүче карт - карчыкларга ярдәм иттеләр. 

10 сентябрьдә шәфкатьлелек атнасы "Сәламәт яшәү бәйрәме кысаларында" мәктәбебездә  1-11 сыйныф укучылары арасында эстафета үткәрелде, шулай ук 6-8 нче сыйныф укучылары арасында баскетбол ярышлары оештырылды.

9 нчы сентябрьдә мәктәбебездә 4-9 нчы сыйныф укучылары катнашында ветеран укытучыларыбызга багышлап концерт программасы күрсәтелде. Гомерләрен изге эшкә багышлаган мөгаллимнәребезгә олы рәхмәтләр җиткерелде.

8 нче сентябрь көнне мәктәбебездә 1-5 нче сыйныф укучылары арасында "Гомер изге гамәлләр өчен бирелгән" исеме астында шигырьләр конкурсы үткәрелде. Укучыларыбыз үзләре язган шигырьләрне иптәшләре хөкеменә тәкъдим иттеләр.

7 нче сентябрьдән 16 нчы сентябрьгә кадәр Республика күләмендә "Сәламәт яшәү рәвеше бәйрәме" акциясе башланып китте. Акция кысаларында мәктәбебез укучылары белән берлектә спорт чаралары, тәрбия сәгатьләре, әти-әниләр өчен укытулар үткәрү планлаштырыла.