Мәктәбебездә Яңа ел бәйрәменең тантаналы өлеше 1-6 нчы сыйныфларның күңелле кичәләре белән башланып китте. Кунаклар бик күп булды, шул исәптән үзебезнең куст башлангыч мәктәп укучыларын күрергә дә бик шат идек. Бәйрәм укучыларның чыгышлары, бәйрәм инсценировкасы һәм концерт номерлары белән үрелеп алып барылды.

29 нчы декабрь көнне 7-11 нче сыйныф укучылары өчен "Яңа ел" бәйрәме үткәрелде. Һәр сыйныф әкиятләрнең заманча версияләрен Яңа елга яраклаштырып үзгәрткәннәр иде. Бәйрәм бик күңелле үтте. 2016 нчы ел да шундый уңышлы булыр дип өметләнәбез.

«Туым җондызы” – керәшен халык җыруларын яшь башкаручыларның VIII конкурс – фестивале дипломанты.

Көннәр җылы тору сәбәле, безнең ясаган шәһәрчегебездән бары кар өемнәре генә калган иде. Алары да менә югалам, менә югалам, дип күңелсез булып торалар. "Кунакларны болай каршыларга ярамый", дип уйлаштык та, физкультура укытучыбыз Афанасьев Андрей җитәкчелегендә укучыларыбыз Кар шәһәрчегенә яңа сулыш өрделәр. Иртәгә бәйрәм, ә безнең ишегалдыбыз Кыш бабай, Кар кызы, чыршылар белән матур итеп бизәлгән. Янәшәдә генә тимераякта шуу өчен боз да катырдык. Кышкы каникуллар гына җитсен, ни эшләргә икәнен беләбез! 

Котлыйбыз!

6 нчы сыйныф укучысы Крибова Анастасияне,

7 нче сыйныф укучысы Игнатьева Юлиананы,

8 нче сыйныф укучысы Абросимова Розаны,

10 нчы сыйныф укучысы Тимофеева Татьянаны

татар теле фәненнән Республика  күләм  олимпиаданың муниципаль этабында катнашып  призёр булулары белән чын күңелдән котлыйбыз!

Аларның гел шундый акыллы, сәләтле

укучылар булып калуларын телибез!

Кызларга  һәм татар теле укытучысы

Светлана Григорьевнага

 алга таба  уңышлар, яңадан яңа үрләр яуларга язсын!