Яшь волонтёрларыбыз, 5 класс укучылары үзләренә йөкләнгән бурычны намус белән башкаралар. Ашарапова Миннегөл апа  ярдәмчеләренең хезмәт нәтиҗәсеннән бик канәгатъ.

Гомер юлында очраучы авырлыкларны җиңүдә башкаларга үрнәк итеп куярлык танылган шәһес Набиев Рөстәмнең тормыш юлын яктырткан чара уздырылды.

ОБЖ укытучысы Альбина Хафизовна 5-11 класс укучылары өчен " Яшүсмерләргә карата җинаять кылуларны кисәтү", " Яшүсмерләргә үз-үзләрен саклау ысуллары" темаларына чыгыш ясады. 

6 класс укучылары классларына йөкләнгән олы яшьтәге, ялгыз яшәүче Мөгъзания апага карлар көрәшеп, хуҗалык эшләрендә ярдәм итешеп кайттылар.

8 класс волонтёрларыбыз жирлегебезнең ялгыз әби-бабайларын ярдәмнәреннән ташламыйлар. Хаммадиева Сания апа укучыларыбызга олы рәхмәтен белдерде.

Полиция хезмәткәре Шакиров Р.Р. педсоветта “Яшүсмерләр арасында жинаять кылуны кисәтү”, “Яшүсмерләр арасында юл йөрү кагыйдәсен бозуны кисәтү”, “Яшүсмерләрләргә карата жинаять кылуларны булдырмый калу” темаларына чыгыш ясады.

1 а сыйныф укучылары , Олыяз мәктәбендә 41 ел гомерен башлангыч сыйныф балаларына белем һәм тәрбия эшенә багышлаган, ветеран укытучы Назмиева Наҗия Ногман кызы янында кунакта булып кайттылар. Наҗия апа балаларга белем алуның кирәклеген аңлатты, укуларында уңышлар теләде. Укучылар ветеран укытучыга матур шигырьләрен укыдылар.Күп кенә сорауларына җавап алдылар.

22 январь көнне районыбызның эш белән тәэмин итү үзәге специалистлары ООО “Мастер Профи” психологлары белән берлектә профориентация юнәлешендә чаралар уздырдылар. Профессия төрләрен ачыклау максатыннан анкетированиялар тәкъдим иттеләр һәм профессиялар турында видеоролик карадылар.

26 январь көнне 2018 елның бөек рус язучысы Л.Н.Толстой иҗатына багышланганлыгын игълан итеп, рус әдәбияте укытучысы Мухаметшина Ф.Ш. җитәкчелегендә 8 класс укучысы Гаязова Илгизә эшләгән сценарий проекты сәхнәдә куелды. 8 һәм 5 класс укучылары Л.Н.Толстойның биографиясе, иҗат эшчәнлеге белән таныштырдылар. Аның әсәрләренең дөньякүләм әдәбият өлкәсендә танылганлыгын, хәзерге көндә дә әһәмиятен югалтмаганлыгын җиткерделәр.