2017-2018 уку елында 3 чыгарылыш класс укучы ГТО нормативларын яхшы тапшырып алтын, 1 укучы көмеш күккрәк тамгасына лаек булды. Алтын тамгага Хасанов И.,  Хабибрахманов И.,  Хисматов Р., көмеш тамгага Мифтахова З.

Физкультура укытучысы Руслан Рашитович җитәкчелегендә укучыларыбыз Галиев Булат, Закиров Булат, ХусаеноваГульназ, Ахметзянова Замира укучылар Спартакиадасы кысаларында узган пляж волейболы ярышында лаеклы 2 урынны яуладылар.

Березняк авылында Мансуров Мияссар Мансурович призына үткәрелгән мили көрәш ярышында 2 класс укучысы Ибрагимов Йосыф 3 призлы урынга лаек булды.

Балаларны яклау көне уңаеннан мәктәптә 23 май көнне тәрбияви чаралар уздырылды. Укучыларга гадәттән тыш хәлләр буенча кинофильмнар күрсәтелде, беренче ярдәм күрсәтү буенча күнекмәләр ныгытылды, эвакуация уздырылды. 

11 Май көнне Кар десанты хәрәкәтенең  Новгород өлкәсендәге экспедициясендә катнашкан  мәктәбебезнең “Хәтер” группасы кайтты. Гомар Хашимович җитәкчелегендә укучыларыбыз Закиров Булат, Закиров Инсаф, Гарипов Ислам, Насртдинов Рөстәм, Саляхов Илхам, Гильметдинов Ранис һәм авылдашыбыз Мухаметшин Марат 12 көн дәвам иткән экспедиция эшчәнлеге нәтиҗәсенә зур өлеш кертеп, 200 дән артык хәбәрсез югалган сугышчыларны җирләп кайттылар.

Бөек Җиңүнең 73 елллыгы уңаеннан 9 Май көнне обелиск янында Зур митинг үткәрелде. “Бесмертный полк” парады белән башланып киткән митинг Бөек Җиңүгә багышланган чыгышлар, укучыларның концерт номерлары белән үрелеп барылды. Сугыш елы балалары өчен СХПК “Урал” көче белән  бәйрәм өстәле әзерләнде.

5 Май көнне традицион язгы Субботник оештырылды. Мәктәбебез яны территориясын җыештыруда һәр укучы үзенең зур өлешен керте.

Татар теле һәм әдәбияты укытучысы А.Ринатовна җитәкчелегендә 6 класс укучысы Хабибрахманова А. “Раниф Шарипов” исемендәге төбәкара яшь шигырь язучылар бәйгесендә 3 урынга лаек булды.

А.Мансуровна җитәкчелегендә 7 класс укучысы Гилмутдинова Р. “Зур фәндә минем урыным” дип аталган укучыларның республика күләмендәге фәнни-гамәли конференциясендә 2 урынга лаек булды.