23 нче ноябрь көнне, мәктәбебез укучылары ТНВ каналыннан бара торган "Тамчы - шоу" уеныннан беренчелекне яулап кайттылар. Алар Спас районы Рәҗҗәп авылы укучылары белән көч сынаштылар. Шушы уенда катнашкан укучыларга һәм аларны әзерләгән укытучыларына зур рәхмәтебезне җиткерәбез.

14 ноябрь көнне Елабуга шәһәренең "Жемчуженка №31" балалар бакчасында уздырылган,  "Сөмбелә чибәре - 2019" региональ конкурсында, безнең балалар бакчасында тәрбияләнүче Абсалихова Самира җиңү яулап кайтты. Әлеге зур уңыш белән аны һәм әлеге уңышка ирешергә ярдәм иткән тәрбиячеләрне чын күңелдән котлыйбыз!

Мәктәбебезнең 8 нче сыйныф укучылары алмагачларны кышка әзерләделәр. Салкыннар башланганчы дип агач төпләрен төреп чыктылар.

14 нче ноябрь көнне мәктәбебездә ата-аналар җыелышы үтте.

Мәктәбебез укучылары 14 нче ноябрь көнне районнан килгән психолог белән очраштылар. Ул уку барышында яки укудан тыш вакытында килеп туган кыенлыклар турында сорашты, үзенең киңәшләрен бирде.Укучылар да үзләрен кызыксындырган сорауларын бирделәр. Әңгәмә бик җанлы һәм эшлекле шартларда үтте.

11 нче ноябрь көнне мәктәбебездә педагогик киңәшмә үтте.

Бу атнада мәктәп линейкасы тантаналы рәвештә башланып китте. Чөнки каникул чорында 2нче ноябрь көнне Кукмара савыт-саба призына районкүләм бадминтон ярышы үтте. Шушы ярышта безнең мәктәп укучылары җиңү яуладылар. Шулай ук узган ел үткәрелгән ГТО ярышларына нәтиҗәләр дә ясалды. Безнең мәктәптән барлыгы 55 укучыга бронза, көмеш һәм алтын медальләр тапшырылды.

С 14 по 20 октября в школе прошла неделя русского языка и литературы. Мероприятия прошли на высоком методическом и воспитательном уровне и помогли обучающимся проявить и развить общеязыковые, интеллектуальные и познавательные способности, расширить эрудицию и общеобразовательный кругозор. Учителя и обучающиеся отнеслись ответственно и творчески к подготовке и проведению Недели, продемонстрировали творческую активность и желание обучающихся дополнительно заниматься русским языком и литературой. Благодарим всех за активное участие и желаем дальнейших творческих успехов!

27 нче октябрь көнне илебезнең барлык төбәкләрендә үтә торган зур масштаблы "Географик диктант" дип исемләнгән чара узды. Шушы чарада  мәктәп укучылары һәм укытучылары да катнашты.

Язучыларга илһам бирерлек гүзәл табигате, җырларда мактап җырларлык уңган халкы, бишек җырыдай моңлы челтерәгән чишмәләре, шаулап утырган алтын башаклы басулары белән дан тоткан авылым, исәнме дип, - Рәшит ага Бәшәр үзенең туган авылы Янил урта мәктәбенә кунакка кайтты. Ана бу көннәрдә 70 яшь тулды.  Рәшит ага шушы авылда туып үсеп, аннан соң үзенең әдәби әсәрләрен иҗат итеп безнең авылны, безнең төбәкне дөньяга танытты. Мәктәбебезгә ул үзе генә түгел, тормыш иптәше Люция апа һәм үзенең иҗатташ дуслары белән бергә кайтты.