Бүген   классларда Космонавтика көненә багышланган  сыйныф сәгатьләре узды. Төп максат- Галәмгә  очкан  беренче  очучы-космонавт Юрий  Гагаринның  хезмәт  батырлыгы  белән  танышу , аның  тормышы  һәм  илебезгә  галәм өлкәсендә  күрсәткән  уңышлары  мисалында  укучыларда  әхлакый  сыйфатлар  формалаштыру.

Район мәдәният йортында "Шома бас!" татар халык һәм этнографик биюләре буенча хореография һәм фольклор коллективлары смотр - конкурсы узды. Укучыларыбыздан Галимҗанов Дәнис, Габделхакова Алинә, Йөзмөхәммәтова Әдилә  бәйгедә уңышлы чыгыш ясап, Мактау  кәгазьләре белән бүләкләнделәр.

 Мәктәбебезнең иң белемле  укучылары Гыйззәтуллина Алинә, Кәримуллина Диләрә,Саттарова Дилә  ТНВ каналында “Тамчы-шоу“ интеллектуаль уеныннан җиңеп кайттылар.Булдырдыгыз,кызлар! Уңышлар Сезгә!

Сайла үз ояңны!

Балалар   бакчасында тәрбияләнүче кечкенә дусларыбыз  һәр елны яз җитүгә күчмә кошларның килүен күзәтәләр. Кошларны күргән саен балалар шатланалар, үзләренең шатлыкларын тәрбияче апалары  белән уртаклашалар. Менә быел да,алар, кош оялары ясап, кошларны каршы алдылар.

Кече яшьтән үк табигать белән тыгыз  элемтәдә булуыбызны тоеп, аңлап  үсү  балаларыбызда экологик культура һәм экологик аң формулаштыруда ярдәм итә.

Балалар  бакчасында "Табигать-тиңсез хәзинә" темасына   сувенирлар ясау  бәйгесе башланды. Сезнең иҗат җимешләрегезне  бәйгедә көтеп калабыз! 

Бүген,химия- биология атналыгы кысаларында, 5-6 сыйныфлар арасында  Бөтендөнья Җир көненә багышланган викторина узды.

Табигатькә гуманлы мөнәсәбәт, тереклек өчен җаваплылык хисе тәрбияләү,табигать кочагында үз-үзеңне дөрес тоту кагыйдәләрен искә төшерү максатларында узган бу чарада  укучылар экологик белемнәрен  сынадылар, табигый байлыкларыбызның әһәмияте турында  яңа мәгълүматлар  алдылар.

19 марттан 24 мартка кадәр мәктәп күләмендә химия -биология атналыгы буларак  игълан ителде. Аны фән укытучысы Гарифуллина Фәридә Шәрәповна  оештыра. Атналык дәвамында  ачык дәресләр, кызыклы тәрбияви чаралар планлаштырыла.  Суларны саклау,экологик проблемаларга багышланган плакатларга,күчмә кошлар рәсемнәренә, кош ояларына конкурслар игълан ителде. 

7 нче сыйныф укучылары арасында   “Йолдызлы сәгать” уенында җиңүне  Каримуллина Диләрә яулады һәм трибунадан   иптәшләренә үзенең теләкләрен җиткерде.  8 нче сыйныфта  - “Бәхетле очрак”, 9 нчы сыйныфта -  “Физика алтыны” уеннары бик  эчтәлекле һәм кызыклы   узды.  14 март  - Пи саны көне уңаеннан  5 -10 сыйныф командалары арасында үткәрелгән “Математик аукцион”  уены  белән укучылар күңелендә истә калды. Атнаның 5 нче көнендә   барлык мәктәп укучылары  катнашында  үткәрелгән “Могҗизалы физика” уенында җиңүне Гараев Булат яулады.  Атана дәвамында укучылар төрле чараларда катнашып   белемнәрен ныгыттылар.