Ренат Харисны тәбрикләргә килгән кунаклар арасында:

       Киров һәм Мәскәү районы администрациясенең аппарат җитәкчесе Шафигуллин Радик Равилович; Киров һәм Мәскәү районы администрациясенең гомуми бүлек җитәкчесе Хасанова Роза Назиповна; Казан шәһәре мәгариф идарәсенең баш белгече Боһавеева Рәйхана Әминовна, Киров районы татар гимназияләре директорлары һәм завучлары.

         Кичәдә гимназия укучылары тарафыннан Ренат Харисның шигырьләре яңгырады: (“Әниемә” – Ягафаров Ленар, 8А кл; “Чиксез кодрәт” –Ганиева Алсу, 9Б кл; “Ак сөлге” – Галлямов Азат, 7А кл; “Бар  тырышканым” – Галяутдинов Мансур, 8 А кл; “Татартан әләме” -  Зәкиев Раиль, 2Б кл.). Г.Кариев исемендәге Казан татар Дәүләт яшь тамашы театры артистлары көче белән куелган  Ренат Харисның “Умырзая” әсәреннән өзек күрсәтелде.

         Ренат Харис –игелекле эшләр эшләүче зат иясе дә. 2004 елдан алып  гимназиядә Ренат Харис  премиясе булдырылды. Шушы вакыт эчендә 16 укучы, 5 балалар коллективы күренекле шәхеснең премиясенә лаек булды. Премия лауреатлары да Ренат Харисны юбилее белән тәбрик иттеләр. Юбилей кичәсе гимназиядә урнашкан Ренат Харис музеена экскурсия белән тәмамланды.