Татар халкының мәдәни кыйммәтләренә, гореф – гадәтләренә, милли йолаларына мәхәббәт тәрбияләү, балаларның милли үзаңын үстерү максатында 13 нче ноябрьдә Абдулла Алиш исемендәге 20 нче гимназия базасында Бөтендөнья татар хатын-кызларының “ Ак калфак” иҗтимагый оешмасының Казан бүлеге башкалабызның шәһәр мәгариф идарәсе белән берлектә “Көз сылуы Сөмбелә” шәһәр бәйгесенең йомгаклау этабын үткәрде. Чарада район бәйгеләрендә җиңгән шәһәр мәктәпләренең 5-6 нчы сыйныф укучы кызлары катнашты.Алар җыр-биюдә генә түгел, ә милли гореф-гадәтләребезне, традицияләребезне белүдә көч сынаштылар, кул эшләренә осталыкларын күрсәттеләр. Киров районының “189 нчы куп профильле  гимназия “Заман” укучысы Нургалиева Илүзә “Иң тырыш кыз”  , ә Мәскәү районының  “М.С. Устинова исемендәге 102 нче гимназия” укучысы Гильфанова Айзилә “Ягымлы кыз” номинациясендә җиңү яуладылар.  Җиңүчеләрне котлыйбыз!