МБОУ «Муралинская основная общеобразовательная школа Кайбицкого муниципального района Республики Татарстан» ♦ «Татарстан Республикасы Кайбыч муниципаль районы Мөрәле төп гомуми белем мәктәбе» МБГБУ
Визитная карточка
Адрес: | 422321, РТ, Кайбицкий район, с. Мурали, ул. Молодёжная, д. 1 |
Телефон: | +7(843)-703-24-30 |
E-Mail: | sch1495@rambler.ru |
Министерство: | Министерство образования и науки Республики Татарстан |
Короткое название: | МБОУ "Муралинская ООШ" |
Руководитель: | Музаффарова Рушания Зуфаровна |
Год основания учреждения: | 1925 |
У нас учатся: | 17 учащихся | 17 укучы |
У нас учат: | 11 учителей | 11 укытучы |
МБОУ «Муралинская основная общеобразовательная школа Кайбицкого муниципального района Республики Татарстан» ♦ «Татарстан Республикасы Кайбыч муниципаль районы Мөрәле төп гомуми белем мәктәбе» МБГБУ - новости
Страницы: << 151 152 153 ( 154 ) 155 156 157 158 159 160 >>
-
Кар шәһәрчегенә рәхим итегез!
25.12.2014
Райондагы биналарны һәм аның территориясен зәвыклы итеп бизәүчеләрне ачыклау максатыннан оештырылган конкурста безнең мәктәп тә бик теләп катнашты. Укучылар белән берлектә мәктәп коллективы зур көч куйды. Кардан 24 сын әвәләп, кар шәһәрчеге ясадык.
-
Балалар- киләчәгебез!
24.12.2014
Башта сыйныфларда узган ата-аналар җыелышлары 2-чирек йомгакларына багышланган иде. Ахырдан гомуммәктәп җыелышында сүз бала тәрбияләүдә гаилә - әти һәм әнинең роле турында барды. Хәзерге катлаулы чорда гаиләдәге мөнәсәбәтләр, балага уңай үрнәк, аңа терәк булу, аның киләчәге өчен җаваплылык ата-анага тагын да зуррак бурычлар йөкли. Балаларыбызның ышанычлы киләчәге- безнең кулларда. Шуны онытмасак иде!
-
Күренекле дата
24.12.2014
27 декабрь Россия Федерациясендә Коткаручылар көне. Әлеге һөнәр—иң куркыныч һәм үтә дә җаваплы хезмәтләрнең берсе. Районыбыз коткаручыларының эшчәнлеге белән танышу максатыннан, МЧС хезмәткәрләре белән очраштык.
-
Җирле үзидарәдә кунакта
23.12.2014
"Нәрсә ул җирле үзидарә?", "Ул нәрсә өчен кирәк?", "Анда нинди эш белән шөгыльләнәләр?", "Анда кайсы һөнәр ияләре эшли? һ.б. күп кенә сорауларга ачыклык кертү максатыннан башлангыч сыйныф укучылары авылыбызның җирле үзидарәсенә юл алды. Үзидарәдә аларны Гибадуллина Гүзәлия апалары каршы алды. Ул укучыларны үзидарәнең эшчәнлеге белән таныштырды, сорауларына җавап бирде.
-
Чишмәләр - табигатебезнең күзе!
22.12.2014
Үсеп килүче буынның экологик белемнәрен арттыру, туган як табигатенә сакчыл караш тәрбияләү, экологик белем бирү системасына ярдәм итү һәм аны үстерү.максатыннан башлангыч сыйныф укытучылары дәрестән тыш эшчәнлек кысаларында чишмәләребезнең торышы белән танышып кайтты. Әйләнә – тирәбезне чиста тоту – безнең төп бурычыбыз.
Һәр чишмәнең үз яме, үз тәме бар. Чишмәләр саклап, карап- чистартып торсаң гына яши. Шуңа күрә кайчан гына барма, алар, җырдагы кебек, көмеш, саф сулары белән челтерәп агып, авыл халкын сөендереп тора. Чишмәләр - безнең яшәү чыганагыбыз ул.
-
Республика чыршысында кунакта
21.12.2014
Уку алдынгыларын, фестиваль, олимпиада, конкурс җиңүчеләрен, ятим балалар һәм балалар йортында тәрбияләнүчеләрне бүген Республика чыршысына "Татнефть - арена"га җыйдылар. Әлеге укучылар арасында безнең мәктәптән 9-сыйныфта укучы, күп кенә конкурсларда катнашып җиңү яулаган, укучылар үзидарәсе лидеры, уку алдынгысы Лиана Сибгатова да бар иде.
-
Конкурска әзерлек
20.12.2014
Районда Яңа елга иң матур бизәлгән бина конурсына старт бирелде. Бәйге шартлары белән танышканнан соң без дә җиң сызганып эшкә керештек. Исәп сынатмаска!
-
ГТО дәвам итә
20.12.2014
Укучылар ГТО нормативларын тапшыруга даими әзерләнәләр. Шул максаттан алар атналык режим рекомендацияләрен үтиләр.
-
Яңа елга әзерләнәбез!
19.12.2014
Мәктәп фойесында, тиздән Яңа ел җитәсен искәртеп, матур итеп бизәлгән нәфис чыршыбыз утларын кабызып, балкып тора.
Укучылар дәресләр тәмамлангач өйләренә кайтырга ашыкмыйлар. Алар сыйныф бүлмәләре, рекреацияләрне бизәү белән мәшгүл. Елдагыча, иң матур итеп бизәлгән сыйныф бүлмәсе өчен укучылар арасында конкурс- ярышка старт бирелде. Барыбыз да, ниндидер могҗиза көтеп, Яңа елга әзерләнәбез: кемдер ишегалдына куелачак чыршыга уенчыклар ясый, мәктәп коридорларына матур бизәгечләр элә, хезмәт укытучысы ут яктырткычларны барлый...
Их, кызык та , рәхәт тә, мавыктыргыч, дулкынландыргыч сихри мизгелләр!
-
Сезгә тиеш әле бик күп язлар!
18.12.2014
9 сыйныф укучысы Илнур Сәйфетдинов бүген Кайбычта "ЭКО" мәктәптән тыш эшләр үзәгендә "Бер солдатның тарихы" темасына баннерлар яклауда катнашты. Бу акция Бөек Җиңүнең 70 еллыгына багышлап уздырылды. Тарих укытучысы Хәмидуллина А.И. кул астында эшләнгән презентация - баннерда мәктәбебезнең элекке директоры, Бөек Ватан сугышы ветераны Шәфыйгуллин Фатыйх абыйның тормыш һәм сугышчан юлы яктыртылган иде.