МБОУ «Муралинская основная общеобразовательная школа Кайбицкого муниципального района Республики Татарстан» ♦ «Татарстан Республикасы Кайбыч муниципаль районы Мөрәле төп гомуми белем мәктәбе» МБГБУ
Визитная карточка
Адрес: | 422321, РТ, Кайбицкий район, с. Мурали, ул. Молодёжная, д. 1 |
Телефон: | +7(843)-703-24-30 |
E-Mail: | sch1495@rambler.ru |
Министерство: | Министерство образования и науки Республики Татарстан |
Короткое название: | МБОУ "Муралинская ООШ" |
Руководитель: | Музаффарова Рушания Зуфаровна |
Год основания учреждения: | 1925 |
У нас учатся: | 17 учащихся | 17 укучы |
У нас учат: | 11 учителей | 11 укытучы |
МБОУ «Муралинская основная общеобразовательная школа Кайбицкого муниципального района Республики Татарстан» ♦ «Татарстан Республикасы Кайбыч муниципаль районы Мөрәле төп гомуми белем мәктәбе» МБГБУ - новости
Страницы: << ( 161 ) 162 163 164 165 166 167 168 169 170 >>
-
Зыялы һәм затлы кеше сез...
03.10.2014
"Укытучы, синең исемең алдында түбәнчелек белән баш иям…" Н.А.Некрасовның бу сүзләрен һәркайсыбыз мәктәп елларыннан ук хәтерли. Кеше тормышында укытучының роле һәм урыны бәяләп бетергесез.
Укытучы профессиясе – безнең илдә иң хөрмәтле һәм мактаулы хезмәтләрнең берсе. Укытучыга меңнәрчә шигырьләр, җырлар, китаплар багышланган. А.Фадеев «Яшь гвардия» романы геройларының берсе Матвей Шульга сүзләре белән укытучы эшчәнлегенә мондый бәя бирә: «Укытучы! Сүзе дә нинди бит!.. Укытучы! Әйтергә генә җиңел! Бездә, һәр бала мәктәптә укыган илдә, укытучы – беренче кеше ул. Балаларыбызның, халкыбызның киләчәге – укытучы кулында, аның алтын йөрәгендә”.
Хөрмәтле укытучылар! Сезне һөнәри бәйрәмегез белән тәбриклибез. Сезгә саулык-сәламәтлек, гаиләләрегезгә тынычлык, иминлек телибез. Сабыр канатларыбыз сынмасын, мәктәпләребездә шат балалар тавышы тынмасын. Бәйрәм белән сезне!
-
Бездә доктор Айболит!
02.10.2014
Сәламәтлек – кеше өчен иң мөһим, иң кирәкле нәрсә. Аңа игътибарлы булып, даими төстә медицина күзәтүе үтү зарур. Безнең мәктәп укучылары Кайбыч район үзәк сырхауханәсенең балалар табиблары тарафаннан медицина күзәтүе үтте. Укучыларның буен, авырлыгын үлчәделәр, эчке органнар эшчәнлеген тикшерделәр, үпкә, йөрәкне тыңладылр, сәламәтлек төркемен, физик һәм нерв-психик үсешен, физкультура төркемен билгеләделәр. Укучыларыбыз сәламәт, куркыныч авырулар ачыкланмады. Сәламәт булыйк, дуслар!
-
Тормышыбыз бизәге сез...
01.10.2014
Илебез буенча октябрь ае башында Өлкәннәр көне уздырыла. Төрле җирләрдә өлкәннәрне котлаулар, бүләкләүләр, искә алулар бара. Без дә бүген мәктәптә авыл җирлеге хезмәткәрләре, укучылар һәм укытучылар коллективы белән берлектә “Өлкәннәр көне”н билгеләп үттек.
Өлкәннәр!.. Олы кешеләр!.. Күпме мәгънә табып була бу сүзләрдән. Элек-электән үк олы кешеләр тормышның, яшәешнең нигезен тәшкил иткәннәр: намуслы балалар үстерү, аларның бәхете өчен көрәшү, туган илне дошманнардан азат итү, киләчәгебез якты һәм тыныч булсын өчен, табыннарыбыз мул, көннәребез уң булсын өчен башкарган барлык эшләр дә алар кулы аша үткән.
Хөрмәтле өлкәннәребез! Сезне бәйрәмегез уңаеннан кайнар котлыйбыз. Сезгә саулык, сәламәтлек, шатлык-куанычлар, олыгайган көнегездә тыныч тормыш телибез.
-
Ярминкәләр - көз бизәге
28.09.2014
Ярминкә генә түгел, чын мәгънәсендә бәйрәм иде бүгенге көн! Мәктәп, балалар бакчалары коллективларының берсеннән-берсе матур итеп, зәвык белән ясалган күргәзмәләре күз явын алырлык. Сату гөрләп бара, халыкның кайнашуы исә сабан туеннан ким түгел. Көне дә соң, заказ белән бирелгән диярсең - күктә кояш елмая, җилнең әсәре дә юк. Рәхәтләнеп ял ит, үзеңә кирәкле товарны сатып ал гына!
Безнең Мөрәле мәктәбе дә "Көз нигъмәтләре" конкурсына матур итеп әзерләнгән иде. Мул уңыштан район халкына да өлеш чыкты, яшелчәләре, чәй- ризыклары, табигать хәзинәсе булган гөлҗимеше, мәтрүшкәсе дә тиз арада сатылып бетте. Барыгызга да зур рәхмәт!
-
Хезмәт десанты дәвам итә
26.09.2014
Мәктәп коллективы Кайбыч урманчылыгына имән чикләвеге җыюны дәвам итә.
-
Рәхмәтебез чиксез...
24.09.2014
"АК БАРС Кайбыч" җәмгыятенең беренче филиалы директоры Рамил Шамил улы Каюмов башлангыч сыйныф укучыларына уку әсбаплары бүләк итте.
Сабырлыкның олы үрнәге Сез, изгелекнең гүзәл өлгесе,
Кешеләргә кылган яхшылыгыгыз- керсез күңелегезнең көзгесе.
-
Белемле меңне егар...
22.09.2014
Укучыларның иҗади һәм танып белү сәләтен активлаштыру, белем туплау белән кызыксынуны арттыру максатыннан мәктәпләрдә ТР Мәгариф һәм Фән Министрлыгының №5805/14, РФ Мәгариф һәм Фән Министрлыгының № 3767/13, район мәгариф бүлегенең 157 нче номерлы боерыгы нигезендә укучылар 21 фәнннән: математика, химия, физика, биология, информатика, география, астрономия, экология, татар теле, татар әдәбияты, икътисад, рус теле, рус әдәбияты, чит тел (инглиз, француз, немец), тормыш иминлеген саклау (ОБЖ), тарих, хезмәт (технология), физик культура, хокук, җәмгыять белеме, искусство буенча көч сынашачак. Бүген Гомумроссия һәм региональ фән олимпиадаларының мәктәп туры башланды. Укучылар биология фәне буенча үзләренең белем дәрәҗәләрен тикшереп карадылар инде. Уңышлар сезгә, укучылар! Сынатмагыз!
-
Хәрәкәттә - бәрәкәт!
21.09.2014
«Милләтләр кроссы» – Россия территориясендә үткәрелә торган спортның җәйге төрләре буенча иң масштаблы массакүләм спорт чарасы. Бу – зур, күпмилләтле илебездә яшәүчеләрнең берләшүе көне. Йөгерү - спорт белән дуслаша башлау, инертлыктан, утырып эшләүнең авыр нәтиҗәләреннән, тормыш ыгы-зыгысыннан котылу өчен менә дигән мөмкинлек. Барлык бүгенге спорт ярышында катнашучыларга уңышлар, финишка кадәр барып җитүләрен телибез.
-
Туган җиребезгә булышабыз
20.09.2014
Мәгариф бүлеге күрсәтмәсе нигезендә укучылар Кайбыч урман хуҗалыгына имән чикләвеге жыйдылар. Урманнарыбызда имәннәр шаулап үссен өчен балалар тырышып эшләделәр, һәрберсе 10-15 кг чикләвек жыйдылар. Шул ук вакытта питомник мастеры Айрат абый балаларның күп кенә сорауларына җавап бирде. Имән агачын ничек үстерергә кирәк икәнлеген дә аңлатты. "Булдырасыз, балалар, рәхмәт сезгә!"- диде ул.
-
Изгелек җирдә ятмас
19.09.2014
Авылыбызда "Мәктәбеңә булыш!" акциясе дәвам итә. Элекке укучыбыз, бүгенге көндә туган авылында яшәп гомер итүче Алмир Биктагиров, кайчан гына мөрәҗәгать итсәң дә, мәктәпкә һәрвакыт булышып тора. Менә бүген дә ул Казаннан мәктәп ашханәсе өчен өстәл- урындыклар алып кайтты. Юлларың уң булсын, исән-сау йөр, Алмир!