Февральнең 24е кич белән “Бала тәрбияләүдә аталарның роле” темасына Әтиләр конференциясе булды.

Программада:

1. Ата кешенең вазыйфалары – ата-аналар комитеты рәисе Сабиров Ибраһим Фәһим улының чыгышы. Ул чыгышында аталарның бала тәрбияләүдәге бурычларын дин күзлегеннән дә чыгып аңлатты.

2. Гаиләдә ата кеше. Ул нинди булырга тиеш? –  Кайбыч социаль яклау бүлегенең әйдәп баручы белгече Сафина Нурия Салих кызының чыгышы.

Ул гаилә кодексының законнары белән таныштырды, әтиләрнең бурычларына тукталды. Әтиләр чыгышларны кызыксынып тыңладылар. Сафина Н.С. га төрле сораулар бирделәр.

3. Әтиләрне котлап бәйрәм концерты

4. Әтиләр арасында уен-ярыш.

Конференция бик җанлы үтте. Коференцияне мәктәп директоры Насретдинов Илсур Ризатдин улы алып барды. Концертны һәм уен –ярышны тәрбия эшләре буенча директор урынбасары Сабирова Гөлшаһидә Харис кызы оештырды. Концерт номерларын музыка укытучысы Кадыйрова Айгөл Сәлимулла кызы хәзерләде. 

Конкурста  әтиләр үзләрен төрле яктан күрсәттеләр: җырладылар, биеделәр, кызыклы сорауларга, табышмакларга җавап бирделәр, противогаз киделәр, конфет ашауда уярыштылар һәм башка конкурсларда катнаштылар. Ярышта әтиләргә төрле номинацияләр буенча грамоталар тапшырылды. Ярыш бик күңелле булды. Залда көлү тавышлары тынып тормады.