Кичә мәктәбебездә әти-әниләребез белән чираттагы очрашу булып узды. Укучылар әзерләгән концерт номерлары белән аралаш барган бу җыелышта: 1 нче чирек нәтиҗәләре һәм уртак максатлар кую, мәктәпнең бүгенге яшәү рәвеше һәм киләчәккә планнар, балаларның сәламәтлеген ничек саклау турында директор Хәмидуллин И.И. чыгыш ясады. Ул шулай ук Интернетның уңай һәм тискәре йогынты ясаучы сайтларга аерым тукталып алды. Бу өлкәдә ярамаган сайтларга керүне контрольләү өчен шәһси компьютерларга контент фильтр программасын урнаштыру ярдәмгә килүен аңлатты. Һәм бу эшне һәр гаиләдә башкарырга дип әти-әниләр карар кылдылар.

Башлангыч сыйныф укытучысы Мәдинә Хамидуллина барлык әти-әниләр белән үткәргән, тәмәке тарту проблемасына кагылышлы, тренингы берсен дә битараф калдырмады.

Балаларның аз укулары проблемасын чишүенең кай бер серләрен китапханәче Сабирова Гөл-Шаһидә ачып салды. Шуларның берсе – баланы кызыксындырган һәм яшенә туры килгән матбугатка язылу. Ул үзенең презентациясендә бик күп кызыклы (татар һәм рус телендә) газета һәм журналлар тәкъдим итте. Шулар арасында әти-әниләргә тәрбияләүдә кулланырлыклары да бар иде.

Гаилә тормышыннан алынган скетч куеп 8 нче сыйныф укучылары көлдереп барысы да күтәренке кәеф белән таралыштылар.