Бүген бәйрәм, бүген "Белем көне"! Укучылар, укытучылар, әти-әниләр, сезне чын күңелдән шушы олуг бәйрәм белән тәбрик итәбез. Бу уку елында яхшы билгеләр, яңа җиңүләр күп булсын. Һәркемгә ныклы сәламәтлек, иминлек теләп калабыз! Мәктәбебезгә барыбыз да ашкынып, яңа планнар белән, сагынышып килдек һәм "Белем бәйрәме", яңа уку елының беренче очрашуы да  бик матур килеп чыкты.

Укучылар, укытучыларны район башлыгы  исеменнән  “Росгосстрах”җитәкчесе  Хәйретдинов  Р.Р.,”Заволжье” агрофирмасының  Кошман  филиалы  җитәкчесе  Ногманов  Р.Х.,район  мәгариф бүлеге  программисты  Алтынбаева  Л.Ә., авыл җирлеге  башлыгы  Сафина  Л.Р. тәбрикләде. Укучыларның  җырлары, матур шигырьләре бәйрәмне тагын да ямьләндереп  җибәрде.

Мәктәпкә беренче аяк басу мизгелләре, котлаулар, бүләкләр, җәй буе сагынышып беткән классташларның очрашуы, кем кая барган, ничек ял иткән, кемгә нәрсә алганнар... Кыскасы, мәктәп гөж килеп торды бүген. Тантаналы линейкадан соң барлык сыйныфлар да   РФ  Конституциясенең  20  еллыгына    багышланган беренче  дәрескә юл алдылар. Әлеге дәресләр мультимедиа ярдәмлекләре белән үрелеп барды .

Алда уку елы, укыту-тәрбия эшенең барлык катнашучыларына да зур уңышлар  юлдаш  булсын.