Кошлар  көненә  багышланган  кичәне  биология  укытучысы  Сабирова  Гөлшаһидә  Харис  кызы  кошларның  күптөрлелеге, үзенчәлекләре  турында  сөйләп  башлап  җибәрде. Шулай  ук  2013  нче  елның  ел  кошы  белән  таныштырды. Кичә  7 нче сыйныфларның “ Тургайлар” һәм “Бөркетләр” командалары  арасындагы  уен-ярыш  дәвам  итте. Ярышта  укучыларга  төрле  киртәләрне  үтәргә  туры  килде. Алар   кошлар  кебек  оя  да  кордылар, кошлар  кебек  биеделәр, хәрәкәтләнделәр, кошларга  багышлап  шигырь  чыгардылар  кошлар  турында  белемнәрен  күрсәттеләр  һәм  башка  ярышларда  катнаштылар. 1 нче  уен  белән  2  нче  уен  арасында  укучылар  кошлар  турында  шигырьләр  сөйләделәр, җырлар  җырладылар, кошлар  турында  табышмакларга  җавап  таптылар. Нәтиҗәдә “ Бөркетләр” командасы  җиңеп чыкты. Бу кичәдән  укучылар  күп  файдалы  мәгълүмат  алдылар. Чара  бик  җанлы һәм  истә  калырлык  булып  үтте.