2011 нче елның 1 нче апрелендә Ә. Сәгыйди исемендәге  Кошман урта белем бирү мәктәбендә Кошлар көне узды. Бәйрәмдә балалар бакчасына йөрүчеләр дә чыгыш ясады. Чараны биология укытучысы Сабирова Г.Х., ә кошлар турында җырларны музыка укытучысы Кадыйрова А.С. хәзерләде.

Мероприятиегә хәзерлек 1 атна алдан башланды. Укучылар кош рәсемнәре һәм сыерчык оялары ясадылар. Бәйрәм  Максуд Сөндекленең “Тимәгез кошларга” шигыре һәм “Яз җитә ” җыры белән башланып китте. Мероприятие  түбәндәге тәртиптә узды.

1.      Укытучының Ел кошы һәм кошларның табигатьтәге һәм кешеләр тормышындагы әһәмияте турында әңгәмәсе.

2.      Тамашачылар белән кошлар турындагы табышмакларга җавап табу.

3.      Викторина (дәрес формасында). Викторинада 7 нче сыйныф укучылары катнашты. Дәрескә кыңгырау тавышы белән кертеделәр, шулай ук  дәрес тәмамлавын белдереп тә кыңгырау шалтырады. Һәр дөрес җавап өчен алар йолдыз алып бардылар. Иң күп йолдызны Ногманов Булат җыйды һәм 1 нче урынны яулады.  Һәр дәрестән соң тәнәфес игълан ителде. Тәнәфесләрдә кошлар турында җырлар  башкарылды.

4.      Бүләкләү:

-        Викторинада катнашучылар

-        Кош рәсеме конкурсында җиңүчеләр

-        Сыерчык оясы ясауда актив катнашучыларга  грамоталар һәм бүләкләр тапшырылды. Грамоталарны һәм бүләкләрне биология укытучысы әзерләде. Бәйрәм  биология укытучысы Сабирова Г.Х. төзегән призентация белән алып барылды.