“Ягез, әле кызлар!” бәйрәме бик күңелле узды. Бәйрәмдә кызларның “Аккош” һәм “Татар кызы” командалары ярышты. Ярышта өй эше биремнәре дә, импровизациягә корылган биремнәр дә бар иде. Ике команда кызлары да ярышка тырышып хәзерләнгәннәр. Нәтиҗәдә ике команданың да очколары тигез булып дуслык җиңде. Кызлар биеделәр, салат  әзерләделәр , причёска ясадылар, кибеттән товар алып кайттылар, чәчәк исемнәрен атадылар, токмач кистеләр һ.б. бик күп төрле уеннарда катнаштылар. Бәйрәмнең кызыклы моменты булып 6 нчы сыйныф укучылары Фәйзуллин Шәфкать һәм Нәфкатьнең кызларга багышлап куелган концерты булды.  Алар җырладылар, биеделәр, фокус күрсәттеләр. Барыбыз да аларның талантына сокландык.