Бүген мәктәптән 8,9,10 нчы сыйныф укучылары Казанга экскурсиягә киттеләр. Экскурсиянең максаты-балаларны башкалабыз Казанның тарихи урыннары белән таныштыру. И.Мәхмүтованың "Күрәсем килгән иде..."мелодрамасын карау. Алар белән Шурбина Ф.А. һәм  Сәләхетдинова Р.Р. җитәкчелек итә.

   Бүген мәктәптә "Наркотикларга-ЮК!" конкурсына йомгак ясалды. Укучылар ясаган рәсемнәр жюри тарафыннан бәяләнде,җиңүчеләргә грамоталар тапшырылды.

   Бүген  Батыр районы  Шыгырдан авылыннан "Шыгырданым-туган ягым" китабының  авторы Памир Салихов һәм Халидә апалар янә мәктәбебез музеенда кунакта булдылар.Алар публицист язучы Зариф Бәшири иҗаты белән кызыксындылар.

     Мәктәптә  җәйге ялдан соң,балаларны кыш буе витаминлы яшелчәләр белән тәэмин итү максатыннан,теплица тулы көчкә эшли башлады.  Беренче көзге  уңыш укучылар өстәлендә урын алды.

   Бүген мәктәптә 9-11 нче сыйныф укучылары өчен профессия сайларга ярдәм итү максатыннан, Казан мәшгүльлек һәм социаль  яклау бүлеге хезмәткәре Татьяна Александровна укучылар алдында чыгыш ясады, укучыларга анкета тутыртты.

     Табигатебезне саклау  максатыннан мәктәбебез укучылары "Яшел Россия" акциясенә кушылды:  юл буйлары, урман тирәләре чистартылды, мәктәп яны участогы тәртипкә китерелде, агачлар утыртылды. Акциядә иң актив катнашкан укучылар аерым билгеләп үтелде.

       21 нче сентябрь көнне башкалабыз Казанда ярминкә узды. Бу ярминкәдән безнең мәктәп тә читтә калмады. Үзебездә үстерелгән яшелчәләрне, кулдан эшләгән әйберләрне сатып шактый акча туплап кайттык.